Ataqty reseılik prodıýser Maksım Fadeev Saltanat Núkenovaǵa án arnady
14:26, 24 Mamyr 2024
<p>ASTANA. KAZINFORM – Prodıýser jáne kompozıtor Maksım Fadeev jańa ánniń jaqyn arada jaryq kóretinin aıtty. «Salta» dep atalatyn trek Saltanat Núkenovanyń rýhyna arnalǵan.</p>
Mýzykant kompozıtsııanyń shyǵýy týraly Instagram paraqshasynda bólisip, ánniń premerasy 31 mamyrǵa josparlanǵanyn aıtty. Post astyna Saltanattyń jaqyn týystary Aıtbek Amangeldi men Aınur Núkenova jazba qaldyryp, Fadeevke alǵysyn bildirdi.
Prodıýser óz sózinde:
«Qazaqstanda eks-mınıstrdiń áıelin óltirgeni týraly sumdyq jaıtty oqydym. Qoǵamdyq jerde... Men sot zalynan beınejazbalardy kórdim, onda sottalýshynyń sabyrly beınesin ańǵarýǵa bolady. Ol azdaı, jábirlenýshiniń ózi kináli ekenin alǵa tartyp otyr. Bul meni tań qaldyrdy»,- dedi Fadeev.
Fadeev Reseıde de turmystyq zorlyq-zombylyqtan áıelderdiń ólimi jıi tirkeletinin aıtyp, áli kúnge deıin qylmys retinde sanalmaıtyna ókinish tanytty.