Ataqty fýtbolshy Rybakınanyń matchyn tamashalady

<p>ASTANA. KAZINFORM - Ataqty brazılııalyq fýtbolshy Ronaldıno Qazaqstannyń birinshi raketkasy Elena Rybakınanyń Doha (Qatar) WTA týrnırindegi shırek fınaldyq matchyn tamashalady.</p>

Frantsııalyq tennıs sholýshysy Basten Fashan bul týraly Twitter-degi paraqshasynda málim etti.

Keshe «Barselona», «Mılan» klýby jáne Brazılııa quramasynyń eks-juldyzy Elena Rybakına men kanadalyq Leıla Fernandestiń kezdesýinde bolǵan kezinde kameralarǵa túsip qalǵan.

«Ronaldıno — Rybakınanyń fanaty bolýy kerek. Olardyń ekeýi de London kógaldarynda ǵajap oıyn kórsetýge qabiletti», dep jazǵan Fashan brazılııalyq fýtbolshynyń «Chelsımen» matchyndaǵy jáne Elenanyń Ýımbldonda chempıon atanǵan sýretin qatar qoıǵan.

Búgin Elena Rybakına Doha dodasynyń jartylaı fınalynda reseılik Anastasııa Pavlıýchenkovamen oınaıdy.

Eske sala keteıik, budan buryn Elena Rybakınanyń Dohada AQSh chempıonatynyń fınalısin jeńip, jartylaı fınalǵa shyqqanyn jazǵan bolatynbyz.