«Ata joly» kartasy: AQSh pen Eýropadan etnıkalyq qazaqtar keledi

<p>ASTANA. KAZINFORM &ndash; &laquo;Ata joly&raquo; kartasyn 57 etnıkalyq qazaq aldy. Bul týraly QR Eńbek jáne halyqty áleýmettik qorǵaý mınıstrligi Kóshi-qon komıteti tóraǵasynyń orynbasary Erbolat Abýlhatın aıtty.</p>

«Álemde ınvestıtsııalar úshin básekelestiktiń kúsheıýi aıasynda eldegi bıznes-ımmıgratsııany odan ári damytý boıynsha jumystar jalǵasyp jatyr. Etnıkalyq qazaqtardy «Ata joly» kartasyna tartý boıynsha sharalar qolǵa alyndy. Osy kartany alýǵa úmitkerlerdiń geografııasy keńeıip keledi. Qazirgi kezde Reseı Federatsııasy, Germanııa, Qytaı sııaqty taıaý shet eldermen qatar, «Ata joly» kartasyn alýǵa AQSh, Eýro odaǵy elderiniń azamattary – etnıkalyq qazaqtar da qyzyǵýshylyq tanytyp otyr.

Esterińizge sala ketsek, «Ata joly» kartasy óz elderinde suranysqa ıe kásibi bar nemese tabysty bıznes-keısterdi iske asyrǵan jáne olardy Qazaqstanda keńinen qoldanýǵa nıet bildirgen etnıkalyq qazaqtarǵa beriledi», - dedi E.Abýlhatın Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, «Ata joly» kartasyn 57 etnıkalyq qazaq aldy. Onyń ishinde suranysqa ıe mamandyqtary bar 31 adam jáne 26 kásipker qamtyldy. Bul kartany alǵan etnıkalyq qazaq kóbine Astana jáne Almaty qalasynda turady.

Atap aıtqanda, buǵan deıin «Ata joly» kartasyn qalaı alýǵa bolatynyn jazǵan edik.