Ata-analardyń kópshiligi oqý protsesin dástúrli formatta uıymdastyrýdy jón kóredi – QSZI

NUR-SULTAN. QazAqparat - Jańa oqý jyly qarsańynda QR Prezıdenti janyndaǵy Qazaqstan strategııalyq zertteýler ınstıtýty mektep oqýshylarynyń ata-analary, qamqorshylarymen telefon arqyly saýalnama júrgizdi, dep habarlaıdy QazAqparat.

Saýalnamaǵa tamyzdyń 16-sy men 22-si aralyǵynda elimizdiń barlyq aımaqtarynan (14 oblys pen respýblıkalyq mańyzy bar qalalar Nur-Sultan, Almaty jáne Shymkent) 1 200 respondent qatysty.

Saýalnamaǵa qatysqan ata-analardyń 81,4% jańa 2021-2022 oqý jylynda balalarynyń dəstúrli formatta (oflaın) oqyǵanyn qalaıdy. Bul balalarynyń onlaın formatta tolyǵymen oqyǵanyn tańdaıtyndardan 10 ese kóp. Suralǵandardyń tek 7,6% ǵana onlaın

oqytýdy tańdaıdy. Saýalnamaǵa qatysqan ata – analardyń 10,3% oqytýdyń aralas
formatynyń bir nusqasyn tańdaýshy edi (sabaqtyń bir bóligi oflaın, qalǵany onlaın nemese keıbir balalar dəstúrli formatta, al qalǵany - úıde). Shaǵyn jınaqtalǵan mektepterde bilim alýshylardyń ata-analary dəstúrli oqytý nysanyna kóshýdi barynsha az dərejede qalaıdy (ortasha kórsetkishten 12,5% tómen)

Saýalnamaǵa qatysqan ata-analardyń kópshiligi dəstúrli formatta oqý kezinde negizgi sanıtarlyq sharalardy saqtaýǵa daıyn. Oqýshylardyń ata-analary dəstúrli formatqa kóshý kezinde atqarýǵa daıyn negizgi sharalar:
Ø Dezınfektsııalaý quraldaryn qoldaný - 94,8 %
Ø Ózin nashar sezingende, sýyq tııý belgileri paıda bolǵanda mektepke
kirgizbeý - 93,4 %
Ø Ata-analardyń mektepke «Ashyq» qosymshasy arqyly kirýi - 78,2 %
Ø Ǵımarat ishinde únemi qorǵanys maskasyn kııý - 76,3 %
Ø Aınaladaǵy adamdardan qashyqtyqty saqtaý - 75,5 %

Ata – analar kóbinese balalardyń mektepte medıtsınalyq qolǵap kııý talabymen jəne olardyń dalada bolýyn shekteý múmkindigimen kelispeıdi - bul sharalardy oryndaýǵa daıyn emes adamdardyń sany barlyq respondentterdiń jartysynan asady.

*Oqýshylardyń dəstúrli oqytý formatyna oralýy týraly sheshimmen kelispeıtinderdiń (8,9%) basym bóligi sanıtarlyq normalar saqtalmaýy múmkin dep qaýiptenedi.

*Ata-analar mektep oqýshylaryn oqytýdyń dəstúrli formatyna qatysty təýekelderdiń negizi retinde aýa-raıyna baılanysty (mysaly, aıaz saldarynan) sabaqtardy jıi toqtatý faktisin (62,2%), sondaı-aq pedagogtardyń/mektep qyzmetkerleriniń jəne basqa oqýshylar ata-analarynyń ekpe alýynyń tolyq qamtylmaýy qaýpin (60,8% - dan) qarastyrady.

Qashyqtan oqytýǵa oralǵan jaǵdaıda ata-analardyń 81,3% shamadan tys oqý júktemesimen baılanysty qıyndyqtardyń týyndaýyn, sondaı-aq əleýmettik-psıhologııalyq məseleler - balalar arasynda tolyqqandy qarym-qatynastyń (73,8%) jəne mektep tarapynan tərbıe jumysynyń (68,9%) bolmaýyna alańdaıdy.
Balalardy vaktsınatsııalaý məselesi qoǵamda talqylanýda - kópshiligi (77,8%) balalaryn koronavırýsqa qarsy vaktsınatsııalaýǵa daıyn emes. Onyń 27,9% - balalar men eresekterdi vaktsınatsııalaýǵa úzildi-kesildi qarsy. Sonymen birge, respondentterdiń 49,9% dəl osy balalar vaktsınatsııalaýǵa qarsy bolsa, eresekterdi vaktsınatsııalaýdy mindetti dep sanaıdy.

Ata-analardyń balalaryn vaktsınatsııalaýdan bas tartýynyń negizgi sebepteri - eldegi vaktsınalarǵa degen senimniń bolmaýy (42,9%) jəne balalarǵa sətti synaqtan ótken vaktsınanyń bolmaýy (38,2%).

Degenmen, respondentterdiń 19,6% óz balasyn vaktsınatsııalaýǵa kelisedi , olardyń bir bóligi vaktsınanyń túrin tańdaýdy usynǵan jaǵdaıda osy sheshimdi qabyldaýǵa daıyn. Bul ata-analar vaktsınatsııany Covid-19 balanyń
densaýlyǵyna tıgizetin əserinen balalardyń densaýlyǵyn saqtaýdyń sózsiz sharasy dep sanaıdy.

Balalaryn vaktsınatsııalaýǵa daıyn adamdardyń ishinde eń úlken senimge ıe vaktsına Spýtnık V (Reseı) – 57,6%, 28% QazVac (Qazaqstan) vaktsınalaryn tańdaýshy edi.
Respondentterdiń 16,1% balalaryn Pfizer/BioNTech (Germanııa, Qytaı, AQSh) ekpesimen vaktsınatsııalaýǵa daıyn , qalalarda bul kórsetkish 23%-ǵa jetedi.