Ata-analar nazaryna: ınternet balalar úshin nege qaýipti

<p>ASTANA. KAZINFORM &ndash; Jazǵy demalys aldynda ınternettiń balalar úshin nesimen qaýipti ekenin taldap kóreıik. Polıtsııa ata-analarǵa qandaı keńes beredi?</p>

«Oń-solyn» durys ajyrata almaıtyn jasóspirimder kıberkeńistiktiń teris áserine ushyraıdy. 

«Ártúrli saıttarǵa kirip, toptar men qaýymdastyqtarǵa tirkelip, kámeletke tolmaǵan bala beıtanys adamdarmen vırtýaldy baılanysqa túsedi. Bóten adamnyń yqpalyna tez berilip, bala óziniń „jańa dosyna“ bank kartasynyń nómiri, telefon nómiri, jeke kabınetter men paraqshalardyń qupııa sózderin, turǵylyqty mekenjaıy týraly aıtyp qoıýy múmkin», dep jazdy polıtsııa qyzmetkerleri. 

Sonymen qatar kúdikti adammen vırtýaldy qarym-qatynas ómirdegi kezdesýlerge ulasý qaýpi bar.

Odan bólek, jetkinshek aqsha tabý maqsatynda zakladchık-kýrerlerdi jınaıtyn habarlandyrýlardyń quryǵyna túsip qalýy múmkin.