Ata-analar narazy: Qyzylordada nelikten lıtseıdiń janynan keshen salynyp jatyr
Aıta ketsek, budan buryn áleýmettik jelide Qyzylorda qalasyndaǵy Bilim-ınnovatsııa lıtseı-ınternatynda oqıtyn oqýshylardyń ata-analary oqý orny janyndaǵy jer telimine qatysty narazylyǵyn bildirgen edi. Olar mekteptiń janyndaǵy sport alańy ornalasqan jer telimine «Qyzylorda Arena» kópfýkntsıonaldy kesheni salynýyna alańdaıdy.
«Bilim-ınnovatsııa lıtseı-ınternatynda balalar bilim alady, arnaıy jataqhanasy bar. Oqýshylar sabaqqa jáne túrli pándik olımpıadaǵa daıyndalady. Sabaqtan keıin serýendeýi qajet. Odan keıin balalardyń mıy tynyǵýy kerek. Sondyqtan balalarǵa arnalǵan tennıs ortalyǵy, basseın, botanıkalyq baq salynýy tıis. Osylaısha olarǵa belsendi demalys jasalýy qajet dep sanaımyz. Óıtkeni, bul balalar - oblystyń atyn respýblıkalyq, álemdik deńgeıde tanytyp júrgen órender. Bul mańdaǵy fýtbol alańyn túlekter salyp bergen. Onda balalar qoly bos ýaqytynda oınaı alady. Sondaı-aq ata-analar, túlekter óz qoldarymen aǵashtar egip, arnaıy otyratyn oryndar jasady. Endigi kezekte sol aýmaqqa «Qyzylorda Arena» kópfýkntsıonaldy keshenin salý josparlanyp otyr eken. Bul lıtseı-ınternat aýmaǵyn taryltyp, oqýshylardyń emin-erkin serýendeýine, demalýyna kedergisin keltiredi degen oıdamyz», - dedi lıtseı-ınternat ata-analar keńesiniń tóraıymy Razııa Moldabekova.
Osyǵan oraı Qyzylorda oblysy ákiminiń orynbasary Shahmardan Baımanov lıtseı-ınternat ujymy jáne ata-analarmen arnaıy kezdesti.
«Bul jer telimi memleket menshiginde. „Bilim-ınnovatsııa“ lıtseı-ınternatynyń jalpy aýmaǵy — 4,6 gektar. Al sport keshenine qajetti jer kólemi — 2,1 gektar. № 9 (244 oqýshy) jáne № 10 (239 oqýshy) lıtseılerdiń jobalyq qýaty 500 oqýshyǵa arnalǵan. Elimizde „Sáýlet, qala qurylysy jáne qurylys salasyndaǵy memlekettik normatıvter“ erejesine sáıkes, oqýshy sany 500 jáne odan kóp bolǵan jaǵdaıda, jer 1 oqýshyǵa 40 sharshy metrden kelýi qajet. Lıtseı-ınternattyń 500 oqýshysyna 2 gektar jer tıesili bolýy tıis. Keshenge bir bóligi alynǵannan keıin qalǵan 2,5 gektar jer lıtseı qajettiligin tolyq qamtamasyz etedi. Qoldanystaǵy zańnama talaptary esh buzylmastan saqtalady. Eń bastysy, salynatyn kópfýkntsıonaldy keshen lıtseıdiń oqý-tárbıe protsesine, bilim sapasyna áser etpeıdi», — dep málim etti oblys ákimdiginen.
«Bilim-ınnovatsııa» lıtseı-ınternatynyń ǵımaraty QR Oqý-aǵartý mınıstriniń 2022 jylǵy 24 qarashadaǵy № 473 buıryǵymen bekitilgen «Bastaýysh, negizgi orta, jalpy orta, tehnıkalyq jáne kásiptik, orta bilimnen keıingi, dinı bilim berý uıymdarynyń bilim berý qyzmetine qoıylatyn biliktilik talaptary jáne olarǵa sáıkestikti rastaıtyn qujattardyń tizbesine» sáıkes keledi.
Standart boıynsha bilim nysanyndaǵy sport zaly dene shynyqtyrý pániniń ótýine jetkilikti, syrtqy sport alańynyń bolýy talap etilmeıdi.
«Ekinshiden, ata-analardyń alańdaýshylyǵyn týdyrǵan másele — qazirgi qoldanystaǵy oqýshylardyń sabaqtan bos ýaqytta serýendep, tynyǵýy úshin lıtseı túlekteri esebinen salynǵan shaǵyn sport alańy, besedka, oryndyqtar ǵımarattyń artqy jaǵyndaǵy bos alańqaıǵa kóshiriledi. ıAǵnı, mektep múlkine eshqandaı materıaldyq shyǵyn keltirilmeıdi. Úshinshiden, salynýy josparlanǵan „Qyzylorda arena“ — túrli baǵyttaǵy sharalardy ótkizýge arnalǵan kópfýnktsıonaldy keshen. Bul nysan qalanyń qarqyndy damyp kele jatqan jańa ortalyǵy Sultan Beıbarys kóshesinde ornalasady. Ǵımarattyń jalpy alańy 14 000 sharshy metr, 3 qabatty bolady. Keshende 2 000 kórermenge arnalǵan ámbebap arena, 50 metrlik olımpıadalyq standartqa saı basseın jáne syıymdylyǵy 600 kórermenge arnalǵan zal, jekpe-jek jattyǵý, quryltaı ótkizetin jáne horeografııa zaldary qarastyrylǵan. Arenanyń ınfraqurylymdyq júıeleri men avtoturaq máselesi de ońtaıly sheshiledi. Bul bıýdjet esebinen jumsalatyn qarjyny da únemdeýge múmkindik beredi. Qazirgi tańda keshenniń joba-smetalyq qujattamasy daıyndalýda. Tórtinshiden, bul jer buǵan deıin 10 jyldan astam ýaqyt boıy bos jatty», — deıdi ákimdikten.
Jalpy osy jerdiń tańdalýynyń basty sebebi — «Saıahat», «Syrdarııa», «SPMK-70» móltek aýdandary, Tasbóget kenti, Aqsýat aýyldyq okrýgi men «Sabalaq» saıajaıy jaqyn.
Atalǵan móltek aýdandar turǵyndaryn sporttyq nysanmen qamtamasyz etý, shalǵaıdan qala ortalyǵyna qatynap, úıirmelerge qatysatyn mektep jasyndaǵy 30 myń oqýshynyń máselesi osylaısha tıimdi sheshilmek.
Óńirdiń aýa raıy ereksheligin eskeretin bolsaq, qysy sýyq, jazy ystyq Qyzylorda qalasy úshin bul keshen turǵyndar men balalarǵa jaıly orta qalyptastyratyny sózsiz.
«Aıta ketý kerek, keshenniń lıtseı ǵımaraty janynda ornalasýy oqýshylar men bilim oshaǵy ujymyna da tıimdi. Sebebi, aldaǵy ýaqytta sporttyq, mádenı-kópshilik sharalardy osy keshende tegin ótkizýge múmkindik beriledi. Qazirgi tańda oblys kóleminde turǵyndarǵa jaıly orta qalyptastyrý maqsatynda saıabaqtar men alleıalar, skverler, sporttyq nysandar jańǵyrtylyp, abattandyrylýda», — dep tolyqtyrdy ákimdikten.