Ata-analar mektepterde patrıottyqqa tárbıeleý máselesinde Prezıdentke qoldaý bildirýde
12:38, 30 Mamyr 2012
ASTANA. 30 mamyr. QazAqparat - Áleýmettik-saıası zertteýler ınstıtýtynyń málimetterinshe, orta mektepterdegi oqýshylardyń ata-analarynyń 86 paıyzy Prezıdenttiń Qazaqstan halqyna Joldaýynda aıtqan patrıottyq, izgilik jáne adamgershilik normalary barlyq bilim mekemelerinde úıretilýi tıis degen bastamasyn qoldaıdy.
Saýalnamaǵa qatysqandardyń 82,0 paıyzy bul qundylyqtardy mektepte úıretý kerektigine senimdi. Bul rette, suralǵandardyń 95 paıyzy osynyń barlyǵy úshin oqý mekemelerinde arnaıy pánderdi nemese fakýltatıvtik sabaqtar engizý qajet dep sanaıdy.
Áleýmettik-saıası zertteýler ınstıtýty saýalnamany 18 jáne odan joǵary jastaǵy adamdar arasynda júrgizdi. Telefon arqyly suraqtar barlyq oblystar, Astana jáne Almaty qalalarynan barlyǵy 1 000 adamǵa qoıyldy. Saýalnama ótkizilgen merzim - 2012 jyldyń 30 sáýiri - 10 mamyry.