Ata-ana men ustazdar da jınalǵan: Túrkistan oblysynda túlekter keshi toqtatyldy
Mobıldik toptyń kezekti reıdi kezinde Jetisaı aýdandyq polıtsııa bóliminiń ınspektory Erkebulan Ábýbákirov S.Qojanov kóshesiniń boıynda ornalasqan meıramhanada aýdanǵa qarasty aýyl mektepteriniń biriniń 11-synyp túlekteri kesh ótkizip jatqanyn anyqtaǵan. Oǵan ata-analar men ustazdar, bitirýshi oqýshylar, jalpy 50-den astam qonaq jınalǵan.
Anyqtalǵan jaıtqa qatysty toıhana ıesi men uıymdastyrýshyǵa QR ÁQBtK-niń 425-babymen («Halyqtyq sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý») is-qujattar jınaqtalyp, shara qabyldaý úshin Jetisaı aýdandyq Sanıtarııalyq-epıdemıologııalyq baqylaý basqarmasyna joldandy.
«Odan bólek, polıtseıler aýdan kóleminde barlyq meıramhana men toıhana, oıyn-saýyq oryndarynda túsindirý jumystaryn júrgizip, bul indetten araqashyqtyqty saqtap, maska rejımin saqtaǵanda ǵana joıýǵa bolatynyn jetkizdi.
Túrkistan oblysy Polıtsııa departamenti karantın rejımi kezinde bekitilgen talaptardy oryndamaı, turǵyndardyń densaýlyǵyna qaýip tóndiretin azamattar tıisti jaýapqa tartylatynyn eskertedi. Sondyqtan Bas sanıtarlyq dárigerdiń qaýlysynyń talaptaryn qatań saqtaý, betperde kııý jáne araqashyqtyqty saqtaýdy esten shyǵarmańyz», - dedi oblystyq Polıtsııa departamentiniń baspasóz qyzmetinen.