At taǵalaıtyn shegeniń ózin shetelden alyp otyrmyz – Májilis depýtaty

<p>Májilis depýtaty Qazybek Álishev&nbsp; sport baǵytyndaǵy qazaqy jylqy sanyn kóbeıtý baǵytyndaǵy zań jobasyn talqylaý kezinde jylqy sharýashylyǵyndaǵy eleýsiz qalyp kele jatqan máselelerdi qozǵady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«At sporty ındýstrııasyn damytý baǵytynda bilim salasyndaǵy zańǵa da ózgeris engizýimiz kerek. Sebebi at sportynda biz ǵylymsyz eshqandaı jetistikke jete almaımyz. Mamandar tárbıeleý máselesi, bapker men shabandoz daıyndaý máselesi bar. Shabandoz balalar salmaǵy 40 keliden asqannan keıin eshkimge kereksiz bolyp qalady. Ári qaraı olardy at sportynyń mamany retinde daıyndaý máselesi kóleńkede qalyp keledi», - dedi depýtat.

Sondaı aq ol zań aıasynda jalpy sport baǵytyndaǵy jylqy sharýashylyǵyn tutas damytýǵa nazar aýdarylý kerek degen usynys aıtty.

«At sportyn damytamyz deımiz, ony taǵalaıtyn mamandar da daıyndalmaıdy. Elde at ábzelderin jasaıtyn ustalar joq. Er men júgennen bastap búkil ábzeldi Reseıden ákelemiz. At taǵalaıtyn shegeniń ózin shetelden alamyz. Sarapshylar at ındýstrııasynyń kóleńkeli aınalymynda 500 mln dollarǵa jýyq qarajat júrgenin aıtady. Zań jobasyna sonyń bárin kóleńkeden shyǵaratyndaı normalar engizilse degen oı bar. Zań aıasynda qazaqı tuqymda qoldaý bergenimiz durys. Alaıda zań aıasynda jalpy sport baǵytyndaǵy jylqy sharýashylyǵyn tutas damytýǵa nazar aýdarylsa degen usynys bar», - dedi Qazybek Álishev.