At sporty túrlerinen «EKSPO Kýbogy» bastaldy
Jarysta júırikter 25 shaqyrymdyq alaman báıge jiberilse, 15 shaqyrymdyq top báıge, 7 shaqyrymdyq jorǵalar jarysy ótkiziledi. Sonymen qatar 7 shaqyrymǵa qunan báıge, 2 400 jáne 1 800 metr qashyqtyqta ushqyr attar synalady.
Jarystyń júlde qory - 63,6 mln teńge (200 000 dollar). JAqshalaı syıaqy besinshi orynǵa deıin beriledi.
Naqtyraq aıtyp ótsek, alaman báıgede bas júldege 10 mln teńge, ekinshi orynǵa 5 mln, úshinshi orynǵa 1,5 mln teńge berilse, márege tórtinshi kelgen jáne besinshi bolyp jetken shabandozǵa tıisinshe 1 mln men 500 000 teńge syıaqy beriledi. Top báıgede jeńimpazǵa 5 mln teńge, kúmis júldegerge 2 mln, úshinshi orynǵa 1 mln, márege tórtinshi kelgen adamǵa 500 myń, besinshi orynǵa 300 myń teńge taǵaıyndalady.
Qunan báıgede bas júldege 3 mln, kúmis júldegerge 1,5 mln, qola júldegerge 1 mln, tórtinshi orynǵa 500 myń jáne besinshi orynǵa 300 teńge tigiledi. Jorǵa attar jarysynda jeńimpaz 1,5 mln, kúmis júldeger 700 myń teńge, qola júldeger 400 myń, tórtinshi jáne besinshi oryndy qanaǵat tutqan adam 200 myń jáne 100 myń teńge alady.
Jarysqa elimizdiń 14 oblysy men Astana jáne Almaty qalalarynan shabandozdar qatysady. Sondaı-aq, Reseı, Qyrǵyzstan, Tájikstan, Túrkııa, Bolgarııa men basqa da elderden shabandozdar keledi.
Taǵy bir aıta keterligi jarystyń úzilisi kezinde «teńge ilý», «jamby atý», «qyz qýý», qazaqy tazy ıtter jarysy sııaqty ulttyq sport túrlerinen kórsetilimder uıymdastyrylady. Jarys Mádenıet jáne sport mınıstrligi, Ulttyq sport túrleri qaýymdastyǵy, Astana qalasynyń ákimdigi, Almaty oblysynyń ákimdigi men Qazaqstannyń báıge túrleri qoǵamynyń uıymdastyrýymen ótedi.