Asyraýshysynan aıyrylǵan 30 myń qazaqstandyq járdemaqy alady

NUR-SULTAN. QazAqparat - Jyl basynan beri 30 907 azamatqa asyraýshysynan aıyrylýyna baılanysty járdemaqy taǵaıyndaldy, dep habarlaıdy QazAqparat «Azamattarǵa arnalǵan úkimetke» silteme jasap.

Azamattar kún saıyn asyraýshysynan aıyrylý boıynsha járdemaqy kimge tıesili jáne tólem qalaı taǵaıyndalatynyn anyqtaý úshin 1414 jelisine habarlasady. Sonymen qatar, olar járdemaqy kólemin, tólemdi toqtatý, ýaqytsha toqtatý, qaıta bastaý tártibin jáne tólem merzimin bilgisi keledi.

Aımaqtardy salystyratyn bolsaq, eń kóp ótinish Almaty qalasyna tıesili – 13%, odan keıin tizimde Shymkent (10%), Túrkistan oblysy (9%), Nur-Sultan (8%), Almaty jáne ShQO (7%). Eń az ótinish SQO (1%) jáne BQO-dan (2%) bolyp shyqty.