Asyq atý oıyny ıÝNESKO-nyń materıaldyq emes mádenı muralar tizimine enetin boldy
«2016 jyly ıÝNESKO-nyń materıaldyq emes mádenı muralary jónindegi komıtetiniń sheshimine sáıkes, Qazaq kúresi jáne Saıatshylyq óneri ıÝNESKO-nyń materıaldyq emes mádenı murasynyń reprezetantıvtik tizimine engen bolatyn. Búgingi tańda Ulttyq sport túrleriniń ishinde atalǵan tizimge asyq atý oıynyn engizý máselesi kún tártibinde tur. Ústimizdegi jyldyń 4-9 jeltoqsany aralyǵynda Ońtústik Koreıa Respýblıkasynyń Chedjý qalasynda úkimetaralyq materıaldyq emes mádenı muralardy qorǵaý jónindegi komıtetiniń 12 sessııasy ótedi. Osy sessııada atalǵan tizimge jańa elementterdi engizý máselesi qaralady», - deıdi Raýhan Toǵymbaeva.
Onyń aıtýynsha, Qazaqstan tarapynan sessııa sheńberinde asyq atý oıynyn osy tizimge engizý týraly ótinim daıyndalǵan. 3-6 jeltoqsanda sessııa aıasynda Ortalyq Azııa elderiniń materıaldyq emes mádenı muralarynyń tanystyrylymyna arnalǵan Azııa-Tynyq muhıt aralyǵyndaǵy materıaldyq emes mádenı muralar jónindegi halyqaralyq jeli ortalyǵynyń kórmesi ótedi.
«Sol kórmede Qazaqstan Respýblıkasynyń materıaldyq emes mádenı muralaryna arnalǵan bólim bolmaq. Sonyń aıasynda QR Mádenıet jáne sport mınıstrliginiń eki ókili asyq atý oıynyn materıaldyq emes mádenı muralardyń qataryna qosý úshin qorǵaýǵa barady», - deıdi Raýhan Toǵymbaeva.
Aıta ketsek, Qazaqstanda ulttyq sport túrleri boınysha 7 mamandandyrylǵan klýb jáne 9 mamandandyrylǵan sport mektebi jumys isteıdi.