Asyǵystyq tanytty - Tótenshe jaǵdaılar mınıstri Almatydaǵy órt kezinde terezeden sekirgender jaıynda

ASTANA. QazAqparat – QR Tótenshe jaǵdaılar mınıstri Syrym Sháriphanov Almatydaǵy órt týraly pikir bildirip, bıik úıge arnalǵan avtobaspaldaq týraly aıtty, dep habarlaıdy QazAqparat tilshisi.

1 tamyz kúni Almatyda 16 qabatty úı órtengen edi. Amaly qalmaǵan turǵyndar balalaryn terezeden laqtyryp, artynan ózderi de sekirýge májbúr bolǵan.

«Avtobaspaldaq bar, biz 16-qabattan adamdardy evakýatsııalaýǵa múmkindik beretin úsh avtobaspaldaq qoıǵan edik. Qurylysshylardyń kómegine kelsek, olar jaqyn jerde – turǵyn úı kesheninen 300 metr qashyqtyqta bolǵan jáne tezirek kómekke kelgen. Bizdiń bólimsheler 8 mınýtta kelip, talaptarǵa sáıkes jumys istedi», - dep túsindirdi Serik Sháriphanov Úkimet kýlýarynda.

Onyń aıtýynsha, keıbir turǵyndardyń terezeden sekirýi – asyǵystyq saldary. Olar dúrbeleńge boı aldyrǵan.

«Olar sekirgen soń, birer mınýttan keıin bizdiń qyzmetkerler osy páterlerge kirip, adamdardy evakýatsııalady. Atap aıtqanda, sekirgen áıelderdiń egde jastaǵy týysy qutqaryldy. Ózderińiz kórip otyrǵandaı, balkonǵa shyǵyp, tútin kirmeýi úshin esikti jaýyp, kútýge bolar edi. Kóptegen adamdar sııaqty qutqarýshylardyń kómegin kútý kerek edi», - dep tolyqtyrdy mınıstr.

Aıta keteıik, buǵan deıin habarlanǵandaı, 2024 jyldan bastap Tótenshe jaǵdaılar mınıstrligi salynyp jatqan úılerdiń órt qaýipsizdigin tekserýdi bastaıdy.