«Astyq týraly» zańdy jańa redaktsııada ázirleý tıimsiz – Úkimet basshysy

ASTANA. QazAqparat – «Astyq týraly» zańdy jańa redaktsııada ázirleý tıimsiz. Bul jaıynda Premer-Mınıstr Álıhan Smaıylovtyń Májilis depýtattary saýalyna bergen jaýabynda aıtylǵan, dep habarlaıdy QazAqparat tilshisi.

«Aýyl sharýashylyǵy mınıstrligi táýelsiz sarapshylarmen, bıznes, salalyq qaýymdastyqtar men odaqtardyń ókilderimen birqatar jumys otyrystaryn ótkizdi. Olardyń qorytyndysy boıynsha astyq qabyldaý kásiporyndarynyń astyqty kezek tártibimen qabyldaýyn, sondaı-aq kórsetiletin qyzmetterdi tutynýshylardy kemsitýge ákeletin normalardy alyp tastaýdy kózdeıtin «Astyq týraly» Zańǵa tıisti túzetýler ázirlendi. Qoldanystaǵy zańnamaǵa osy túzetýlerdi engizý Úkimettiń zań shyǵarý qyzmeti aıasynda pysyqtalyp jatqanyn eskere otyryp, «Astyq týraly» zańdy jańa redaktsııada ázirleý tıimsiz dep sanaımyz», - dep atap ótedi Úkimet basshysy jaýabynda.