Astyq odaǵynyń tóraǵasy egis alqaptaryn qysqartýdy usyndy
«Eń durysy - astyq ósirýdi, bıdaı ósiretin alqaptardy qysqartýymyz qajet. Biraq, ónimdilikti arttyrý, ıaǵnı túsimdi molaıtý, ónimimizdiń ózindik qunyn tómendetý baǵytynda jumys isteýimiz kerek», - dedi ol BAQ ókilderine arnalǵan dóńgelek ústel otyrysy barysynda.
Osy oraıda odaq tóraǵasy egistik alqaptaryn ártaraptandyrý úshin Úkimet tarapynan da kómektiń qajet ekendigin basa aıtty.
«Bosaǵan alqaptarda ishki jáne syrtqy naryqtarda suranysqa ıe basqa daqyldar úshin ártaraptandyrymyz qajet. Degenmen, astyq ósirýshiler ártaraptanýy úshin belgili bir kezeńde Úkimet tarapynan júıeli qoldaý kerek bolady. Óıtkeni, ártaraptandyrý kezinde bastapqyda belgili bir tehnıkalarǵa ınvestıtsııa kerek. Bul shyǵystardy bastapqy kezeńde Úkimetpen birge sýbsıdııa, ınvestıtsııalyq sýbsıdııa túrinde ótegen jón. Bıdaıǵa qatysty ony qandaı basqa daqyldarmen almastyratyndyǵymyzǵa qatysty durystap oılanýǵa tıispiz», - dedi Nurlan Ospanov.