Astyq eksporttaýshylaryna qun salyǵy retinde qosylǵan 15 mln teńge ońaılatylǵan tártippen qaıtaryldy
Komıtet «Atameken» UKP-men birlesip, QQS-ty jeńildetilgen tártippen qaıtarý boıynsha pılottyq jobany iske qosty.
«Bul - memleket pen bıznestiń birlesken saıasaty. Pılottyq joba «Aýyl sharýashylyǵy taýaryn óndirýshi – elevator – eksporttaýshy» qaǵıdaty boıynsha aýyl sharýashylyǵy taýaryn óndirýshi men eksporttaýshy arasyndaǵy kóptegen deldaldar men alypsatarlardy qysqartýdý kózdeıdi. Mundaı tizbek eń aldymen eksporttaýshylardyń ózderi úshin yńǵaıly bolady. Buǵan, k ez kelgen kompanııa qosyla alady», - dep jazdy vedomstvodan.
Pılottyq joba qatysýshynyń tańdaýy boıynsha eki nusqada júzege asady:
1) banktik kepildik boıynsha 15 jumys kúni ishinde kameraldyq baqylaýsyz;
2) banktik kepildik bolmaǵan jaǵdaıda 100 kúntizbelik kún ishinde QQS qaıtarýdy kózdeıdi.
Jalpy belgilengen tártippen QQS 55 jumys kúni ishinde (turaqty eksporttaýshylar úshin) jáne 155 kúntizbelik kún ishinde qaıtarylady.
Pılottyq joba aıasynda astyqtyn qadaǵalanýy bylaı iske asyrylady:
1) astyqty óndirý, saqtaý obektilerin jáne astyqtyń ómirlik tsıklin esepke alý.
2) «alqaptan - shekaraǵa deıin» astyqtyń baqylanýy.
«Ol úshin Qoldau aqparattyq júıesinde «astyq aınalymy boıynsha operatsııalardy esepke alý úshin AstyqQoima vırtýaldy astyq qoımasy» modýli ázirlendi:
• sebý, vegetatsııa, jınaý ǵarysh túsirilimderi arqyly.
• EShF, elektrondyq astyq qolhattary arqyly tasymaldaý, saqtaý, satyp alý-satý.
Eki eksporttaýshymen 2022 jyldyń birinshi toqsanynda 15 mln teńge mólsherindegi QQS somasyna qaıtarý talaby usynyldy. Nátıjesinde kórsetilgen soma 30 kúntizbelik kún ishinde qaıtaryldy», - delingen habarlamada.
Qazirgi ýaqytta bul jobaǵa jetekshi eksporttaýshylar qatysyp otyr jáne bolashaqta qatysýshylar tizimi keńeımek.