Astrahanda Qazaqstannyń Reseıdegi mádenıet kúnderi bastaldy
Іs-shara Qazaqstan men Reseı arasyndaǵy dıplomatııalyq qarym-qatynastyń 30 jyldyǵyna oraılastyrylǵan.
Keshti ashqan Atyraý oblysy ákiminiń orynbasary Qaırat Nurtaev pen QR Mádenıet jáne sport mınıstrliginiń Mádenıet komıteti tóraǵasynyń orynbasary Kúmis Seıitova aldaǵy is-sharalardyń mańyzdylyǵyna toqtalyp, Qazaqstan men Reseı halqyn san ǵasyrlyq ortaq tarıh, ekonomıkalyq, birtutas mádenı-rýhanı keńistik baılanystyratynyn atap ótti.
Óz kezeginde gýbernatordyń orynbasary – Astrahan oblysy úkimetiniń tóraǵasy Oleg Knıazev eki eldi jaqyn, odaqtas, dostyq qarym-qatynastar biriktiretinin atap ótti. «Mádenıet salasyndaǵy áriptestik tatý kórshilik qarym-qatynasty qurýda erekshe oryn alatynyna shyn júrekten qýanyshtymyn», - dedi ol.
Kórermender Qurmanǵazy atyndaǵy halyq aspaptar orkestriniń, dombyra sheberleri Seken Turysbekov, Batyrjan Myqtybaev pen Aıgúl Úlkenbaevanyń, «Astana Opera» teatrynyń jetekshi solısi Saltanat Ahmetovanyń jáne elimizge tanymal basqa da ártister men shyǵarmashylyq ujymdardyń ónerin zor yqylaspen qarsy aldy.
Aıta keteıik, atalǵan sharaǵa deıin Astrahan oblysy Volodar aýdany Altynjar aýylyndaǵy Qurmanǵazy atyndaǵy óńirlik mádenı ortalyǵynyń ashyq alańynda qazaq dıasporasy ókilderine arnalǵan Qazaqstan óner sheberleriniń kontserti ótti.
Qazaqstannyń Reseıdegi mádenıet kúnderiniń baǵdarlamasy 8 qyrkúıekte Qazanda jáne 13 qyrkúıekte Máskeýde jalǵasady.
Foto: www.kazembassy.ru