ASTRA Bus mobıldik qosymshasynyń múmkindikteri keńeıtilmek

ASTANA. QazAqparat - Jaqynda elordada qoǵamdyq kólikterge bólingen arnaıy jolaqtar qaladaǵy joldardyń 10 paıyzyn qamtıdy. Bul týraly búgin elordada «Astana qalasynyń kólik kesheniniń damý úrdisi» atty konferentsııada qala ákimi Áset Isekeshev.

«ASTRA Bus» mobıldik qosymshasy quryldy jáne ol jolaýshylarǵa avtobýsqa otyratyn ýaqytyn josparlaýǵa múmkindik beredi. Búginde atalǵan qosymshany 200 myńnan astam adam paıdalanýda. Qazirgi kezde biz ony málimetterdiń túrli baǵyttarymen tolyqtyramyz. Qazan aıynyń sońyna deıin bul qosymsha tolyq kúshine enedi», - dep toqtaldy qala ákimi.

Á. Isekeshevtiń sózine qaraǵanda, qala turǵyndary qosymshadan avtobýs qozǵalysynyń kestesin, kólik keptelisteri týraly aqparatty jáne basqada qajetti málimetterdi kóre alady.

Budan bólek, ákim shahardaǵy avtobýstarǵa arnaıy jolaqtardy bólý taqyrybyna toqtaldy. Bundaı jolaqtar elordanyń 11 kóshesinde qamtylǵan. Osy rette 2017 jyldyń sońyna 100 shaqyrymǵa deıin osyndaı jolaqtar boıynsha jumystar aıaqtalady, bul óz kezeginde kóshedegi joldardyń 10 paıyzyn quramaq.