SQO-da bıdaı elevatorlarǵa syımaı jatyr

<p>PETROPAVL. KAZINFORM &ndash; Soltústik Qazaqstan oblysynyń astyq qabyldaý kásiporyndary 6,9 mln tonna daqyl qabyldaýǵa qaýqarly. Alaıda munyń ózi azdyq etip, bıyl jınalǵan bıdaı-arpa dalada jańbyrǵa tıip, rásýa bolyp jatyr.</p>

SQO aýyl sharýashylyǵy basqarmasynyń málimetinshe, oblysta astyqty saqtaý úshin syıymdylyǵy 3,2 mln tonna bolatyn 46 elevator bar, sonymen qatar agroqurylymdarda syıymdylyǵy 3,7 mln tonna astyq saqtaý qoımalary bar. ıAǵnı, oblys boıynsha jalpy syıymdylyq 6,9 mln tonna. 

«Bıylǵy rekordtyq jaqsy ónim, sondaı-aq ótken jyldardan qalǵan 1,5 mln tonnaǵa jýyq astyq, sonyń ishinde 800 myń tonnasy elevatorlarda jatqandyqtan, dándi daqyldy qabyldap, saqtaýda túzetý engizdi.

Qazir 46 elevatorda 2 mln tonna bıdaı bar, onyń ishinde 541,8 myń tonna azyq-túlik korporatsııasyna tıesili. ıAǵnı 65% tolyq. 

Keıbir elevatorlar sharýashylyqtardan jańa astyq partııalaryn qabyldaýdy toqtatty, óıtkeni daqyldardyń sapasy, ylǵaldylyǵy ártúrli. Osyǵan baılanysty qoımalarda kóbirek oryn jáne ýaqyt alady. Keıin qabyldaý qaıtadan bastalady.

Toltyrylǵan elevatorlar astyqty jóneltýine, bosatylýyna qaraı qabyldaıdy. Mysaly, 1,5 myń tonnany jóneltse, tıisinshe 1,5 myń tonnany qabyldaıdy», - deıdi SQO aýyl sharýashylyǵy basqarmasy basshysynyń orynbasary Jalǵas Súleımenov. 

Mamannyń aıtýynsha, elevatorlardaǵy jaǵdaı kún saıyn ózgerip otyr. 

«Búgin oblystyń astyq qabyldaý oryndary shamamen 150-160 myń tonnany qabyldaı alady, atap aıtqanda, Tımırıazev, Aqjar, Músirepov, Aqqaıyń jáne Petropavl qalalarynyń elevatorlary qazir erkin qabyldap jatyr. 

Al Aıyrtaý aýdany boıynsha búginde lıtsenzııalanǵan 5 astyq qabyldaý pýnkti bar. Sonyń ishinde «Ýgolkı» JShS búgin 2 myń tonna arpa, «Baıantaı» JShS 2,5 myń tonna arpa qabyldaı alady. Aýdannyń qalǵan elevatorlary tolyq, bıdaıdyń jóneltilýin kútip otyr. 

Elevatorlar astyqty tapsyrý boıynsha aýyl sharýashylyǵy taýaryn óndirýshilermen únemi baılanysta, kezekterdi, keptelisterdi boldyrmaý maqsatynda bıdaıdy qabyldaý boıynsha keste ázirlendi», - deıdi Jalǵas Súleımenov. 

Buǵan deıin SQO-da dıqandar astyq saqtaıtyn elevator tappaı qınalyp jatqandyǵyn jazǵan edik.