Astyq eksporttaýǵa shekteý engizilýi múmkin be – mınıstrlik jaýaby

<p>Qandaı jaǵdaıda astyq eksportyna shekteý qoıylady Aýyl sharýashylyǵy qandaı jaǵdaıda astyq eksportyna shekteý qoıylýy múmkin ekendigin atady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Bıylǵy bıdaıdyń jıyny shamamen 11,3 mln tonna bolady dep josparlanǵan. Byltyrǵy jıynnan qalǵan 3,5 mln tonna joǵary sapaly astyqty eseptegende astyq qory elimizdiń ishki suranysyn tolyǵymen qamtamasyz etedi jáne eksporttyq áleýetin iske asyrýǵa múmkindik beredi», - dep atap ótedi mınıstrlikten agenttiktiń resmı saýalyna oraı.

Vedomstvonyń atap ótýinshe, ádette eksportta joǵary sapaly astyq suranysqa ıe. Al osy jyldaǵy qolaısyz aýa raıynyń jaǵdaıyna baılanysty jınalǵan eginniń eleýli bóligi mal azyqtyq astyq bolyp keledi.

«Sondyqtan eksportqa jiberý kólemi byltyrǵy kórsetkishterden azdaý bolatyny anyq. Eldegi astyq qorlarynyń kólemine jáne sapalyq quramyna, ishki tutynylý, ımport pen eksportqa aı saıyn turaqty monıtorıng júrgizilip otyrady. Eger monıtorıng nátıjesinde elimizdiń azyq-túlik qaýipsizdigine qaýip-qater táýekelderi anyqtalsa, astyqty eksporttaýǵa shekteý qoıylýy múmkin. Qazirge ondaý qaýip kórinip turǵan joq», - dedi mınıstrlikten.