Astananyń Jumyspen qamtý ortalyǵy 7 myńnan astam adamǵa kómektesti

ASTANA. QazAqparat - Jyl basynan beri Astana qalasynyń jumyspen qamtý ortalyǵy arqyly 4 013 adam jumysqa ornalasty. Bul astana.gov.kz saıty habarlady.

Budan basqa, Ortalyqpen 605 adam qaıta daıarlaý jáne mamandyǵyn ózgertý boıynsha kýrstarǵa jiberildi, 314-i  jastar praktıkasynan ótti, sondaı-aq, 1 079 adam qoǵamdyq jumystarǵa qatysýda.

- Qazirgi kezde 2 339 qala turǵynyna jumyssyzdar mártebesi berilgen. Ótken jylmen salystyrǵanda bıyl jumyssyzdyq deńgeıi aıtarlyqtaı tómen. Byltyr bul kórsetkish 5,1% bolsa, ústimizdegi jyly 4,7% deıin tómendedi, - deıdi Astana qalasy Jumyspen qamtý ortalyǵynyń dırektory Oljas Omar.

Kún saıyn 400-ge jýyq adam Jumyspen qamtý ortalyǵynyń kómegine júginedi. Ortalyq qala turǵyndaryn jumyspen qamtý maqsatynda jyl basynan beri 7 bos oryndar jármeńkesin uıymdastyrdy. Jalpy, ústimizdegi jyly osyndaı 12 shara ótkizý josparlanǵan. Atalǵan sharalardyń barysynda qurylysshy, montajdaýshy, elektr mamany, gaz-elektr dánekerleýshi syndy mamandyqtar boıynsha bos jumys oryndary kóp usynylady. Sonymen qatar, daıashy, barmen, satýshy jáne aspaz sııaqty qyzmet kórsetý salasynyń mamandary da suranysqa ıe.