Astananyń jańa kóshelerine Sultan Beıbarys, Sanjar Asfendııarov, Berdibek Soqpaqbaevtyń esimderi beriledi

ASTANA. QazAqparat – Elordada birneshe qoǵam qaıratkerleri men jazýshylarǵa kóshe beriledi. Bul týraly qalalyq Tilderdi damytý jáne arhıv isteri basqarmasynyń basshysy Sáken Esirkep aıtty, dep habarlaıdy QazAqparat tilshisi.

«Búgin Astananyń keıbir kóshelerine ataý berý jáne olardyń atyn ózgertý usynystaryn talqyǵa salamyz. Atap aıtqanda, A-23 jobalyq kóshege Ekinshi dúnıejúzilik soǵys jaýyngeri, maıdanger jazýshy, bilikti jýrnalıst Ásker Nábıevtiń atyn berý, A-24 jobalyq kóshege – Qazaqstannyń memlekettik syılyǵynyń laýreaty Syrbaı Máýlenovtyń atyn berý, E-12 jobalyq kóshege – qazaqtyń qaharman qyzy, Keńes odaǵynyń batyry Mánshúk Mámetovanyń esimin berý, E-20 jobalyq kóshege – áıgili akademık, ǵalym, Ulttyq ǵylym akademııasynyń akademıgi Shapyq Shókınniń esimin berý, E-753 jobalyq kóshege – kórnekti memleket jáne qoǵam qaıratkeri, tarıhshy, dáriger, ǵalym, professor Sanjar Asfendııarovtyń esimin berý, №187 jobalyq kóshege – balalar ádebıetiniń kórnekti ókili, klassık jazýshy Berdibek Soqpaqtaevtyń atyn berý, №189 jobalyq kóshege – qazaq dalasynan shyǵyp, Mysyr elinde 17 jyl mámlúkterdi basqarǵan Beıbarys Sultannyń esimin berý», - dedi Sáken Esirkep qalalyq máslıhattyń kezekten tys sessııasynda.

Sonymen birge №23-16 kóshe men Maǵjan Jumabaev dańǵylyn biriktirip, Maǵjan Jumabaev dańǵyly dep qaıta ataý kózdelip otyr.

«Oń jaǵalaýdaǵy eski Mánshúk Mámetova kóshesine Іle ózeni boıyndaǵy 17-18 ǵasyrdaǵy ortaǵasyrlyq qalanyń aty «Qaramergen» degen atty usynyp otyrmyz. Buqar jyraý kóshesine ıaǵnı, Botanıkalyq baqtan Mega Silkway saýda-oıyn-saýyq ortalyǵyna deıin jalǵasqan Saýran kóshesiniń qysqa bóligin Geıdar Álıevtiń esimimen ataý josparlanǵan», - dedi spkıer.

Máslıhat depýtattary bul usynysty tolyq qoldady.