Astananyń jańa bas ımamy taǵaıyndaldy

ASTANA. 23 qyrkúıek. QazAqparat - QMDB-nyń tóraǵasy, Bas múftı Erjan qajy Malǵajyulynyń buıryǵymen Astana qalalyq «Nur Astana» meshitine Ótpenov Naýryzbaı Taǵanuly bas ımam bolyp taǵaıyndaldy, dep habarlady azan.kz.

Naýryzbaı Taǵanuly Ótpenov 1997 jyly Tashkenttegi «ımam ál-Buharı» atyndaǵy Islam ınstıtýtyn bitirip, Ońtústik Qazaqstan oblysy, Túlkibas aýdany, «Kókirek ata» meshitinde ımamdyq qyzmet atqarǵan.

1998-2000 jyldary QMDB janyndaǵy eki jyldyq Islam ınstıtýtynda bilimin jetildirgen.

2001-2006 jyldary ShQO, Aıagóz aýdanynyń bas ımamy, Almaty qalasyndaǵy «Mekke» meshitiniń naıb ımamy;

2006-2011 jyldary QMDB-nyń Qaraǵandy óńirindegi ókil ımamy, Qaraǵandy qalalyq №1 ortalyq meshitiniń Bas ımamy;

2011 jyldyń sáýir-qyrkúıek aralyǵynda Almaty qalasyndaǵy «Mekke» meshitiniń Bas ımamy;

2013 jyldyń 3 sáýirinde - Astana qalasynyń «Nur Astana» meshitiniń naıb ıamamy bolyp taǵaıyndaldy;

2013 jyldyń 20 qyrkúıeginen bastap - Astana qalasy «Nur Astana» meshitiniń bas ımamy, Qazaqstan musylmandary dinı basqarmasynyń Astana qalasy boıynsha aımaqtyq ımamy.