«Astananyń» Zagrebte «Dınamomen» matchynyń ýaqyty belgili boldy

ASTANA. QazAqparat – 25 shildeden 26-syna qaraǵan túni Horvatııa astanasy Zagreb qalasynda Chempıondar lıgasy ekinshi irikteý kezeńiniń alǵashqy matchynda jergilikti «Dınamo» «Astana» komandasyn qabyldaıdy, dep habarlaıdy QazAqparat tilshisi.

Sports.kz saıtynan alynǵan málimetke qaraǵanda, «Dınamo» Zagreb – «Astana» oıyny elorda ýaqytymen saǵat 00.00-de bastalady.

Matchty «Qazsport» telearnasy tikeleı efırde kórsetedi.

Qarymta kezdesý 2 tamyz kúni Astanada ótedi.

Aıta keteıik, «Astana» Chempıondar lıgasynyń birinshi irikteý kezeńinde «Dınamodan» basym túsken bolatyn (1:1, 2:1). Al zagrebtik «Dınamo» úshin bul jańa maýsymdaǵy Chempıondar lıgasyndaǵy alǵashqy báseke bolmaq. Atalǵan klýb Horvatııa chempıonatyndaǵy birinshi oıynynda kútpegen jerden óz alańynda «Haıdýktan» utylyp qaldy – 1:2. Al elordalyqtar Qazaqstan birinshiliginde sońǵy týrda óz alańynda «Atyraýdan» aılasyn asyra almady – 0:0.

«Astana» týrnır kestesinde 39 upaımen ekinshi orynda keledi.