Astananyń temirjol vokzalynda fleshmob uıymdastyryldy

ASTANA. QazAqparat - Búgin Astana qalasy temir jol vokzalynyń perronynda fleshmob uıymdastyrylyp, shaǵyn kontsert qoıyldy. «Tulpar-Talgo» poıyzynyń jas, ónerli jolserikteri ózderiniń kásbı merekesi - Kólik qyzmetkerleri kúnin osylaı erekshe atap ótýde, dep habarlaıdy «Jolaýshylar tasymaly» AQ baspasóz qyzmetinen.

«Jolaýshylarǵa sapar aldynda merekelik kóńil-kúı syılaǵymyz keldi. Óıtkeni olardyń ulttyq tasymaldaýshy kompanııaǵa degen kózqarasy bizdiń qyzmetimizge tikeleı baılanysty. Qazir poıyzdarda servıstik qyzmettiń deńgeıi zaman talabyna saı ósip keledi. Túrli jeńildikter qarastyrylǵan bıletter de qoljetimdi», - deıdi jolserikter. Merekelik shara barysynda vıktorına ótkizilip, onyń jeńimpazdaryna baǵaly syılyqtar jáne «Tulpar-Talgo» poıyzdaryna bılet satyp alǵanda 10 paıyzdan 20 paıyzǵa deıin jeńildikterge beretin «Saıahatshy» dıskonttyq kartalary tabys etildi.