Astananyń mamandandyrylǵan HQKO jumysy ońtaılandyryldy
Kórsetiletin qyzmetti alýshylarmen kezdesýde azamattardyń ákimshilik kedergilerge, bıýrokratııalyq rásimderge, atap aıtqanda mamandandyrylǵan HQKO-daǵy tıimsiz menejdment pen bıznes-protsesterdiń álsiz uıymdastyrylýyna narazy ekenin kórsetti, dep habarlaıdy atalmysh vedomostvonyń baspasóz qyzmeti. Bul óz kezeginde úlken kezekterge, deldaldardyń paıda bolýyna, merzimderdiń negizsiz uzarýyna jaǵdaı jasady.
Múddeli memlekettik organdarmen jáne qoǵammen birlese qabyldaǵan sharalar nátıjesinde mamandandyrylǵan HQKO jumysy aıtarlyqtaı ońtaılandyryldy.
Kezekterdi joıý úshin mamandandyrylǵan HQKO ǵımaraty ózine-ózi qyzmet kórsetý, qujattardy qabyldaý, kútý, daıyn qujattardy berý sektorlaryna bólindi. Bul rette, qujattardy qabyldaý sektoryna tek talon arqyly ǵana kirýge bolady, osylaısha qujattardy kezekten tys tapsyrý joıylady.
Eger budan aldyn qujattardy qabyldaýdy 40 operator, olardy berýdi úsh operator ǵana júzege asyrǵan bolsa, qazirgi tańda daıyn qujattardy berý terezeleriniń sany artty (3-ten 10-ǵa deıin) jáne qyzmet alýshy qujattardy alǵan soń onnan astam saqtandyrý kompanııalarynyń birin tańdaý arqyly kólik quraldary ıeleriniń azamattyq-quqyqtyq jaýapkershiligin mindetti saqtandyrý polısin rásimdeı alady. Bul deldaldardyń qyzmeti men múmkin bolatyn alaıaqtyq faktilerdi joıdy.
Azamattarǵa qolaıly jaǵdaı jasaý úshin qabyldanǵan sheshimderdiń biri salyq organdary men ákimshilik polıtsııanyń aqparattyq júıelerin yqpaldastyrylýy bolyp tabylady. Bul óz kezeginde kólik quralynyń tirkelý ornyna qaramastan, qaryzdyń bolmaýy týraly anyqtamany usynbaýǵa múmkindik beredi (Qarjy mınıstrliginiń 2017 jylǵy 27 shildedegi № KGD-07-2/19642-I hatymen ІІM-ne, Memlekettik korporatsııaǵa jáne barlyq mamandandyrylǵan HQKO-na túsindirme joldandy).
Kólik quralynyń bastapqy esepke alýǵa qaramastan, ony tirkeý boıynsha budan aldyn engizilgen eksaýmaqtyq qaǵıdat is júzinde iske aspaǵan edi.
Osyǵan qosa, áleýmettik qorǵalmaǵan azamattarǵa (múgedekterge, júkti áıelderge jáne basqalarǵa) arnalǵan arnaýly tereze jumys isteıdi.
Mamandandyrylǵan HQKO-nyń taǵy bir ereksheligi retinde balalarǵa arnalǵan bólmeniń ashylýy jáne mýltıkassalar men cash-termınaldarynyń kóptep ornatylýyn aıtýǵa bolady.
Agenttik Astana qalasynyń Densaýlyq saqtaý basqarmasynyń basshysy K.T. Nadyrovpen kezdesý barysynda mamandandyrylǵan HQKO-da ornalasqan medıtsınalyq personaldyń jumysyn jetildirý boıynsha kelisimge qol jetkizdi.
Medıtsınalyq tekseristen jyldam jáne sapaly ótý maqsatynda qosymsha dárigerler birlikteri (psıhıatr, narkolog jáne terapevt) bólindi, elektrondy kezek engizildi, medıtsınalyq qyzmettiń aqysyn tóleý úshin 2 termınal ornatyldy. Qazirgi ýaqytta medıtsınalyq qyzmetkerlerdiń jumys ýaqyty mamandandyrylǵan HQQO kestesine sáıkestendirildi.
Aldyn alý jáne azamattarmen tikeleı baılanysty shekteý maqsatynda polıtsııa qyzmetkerleriniń orny ekinshi qabatqa aýystyryldy jáne olarmen tek mamandandyrylǵan HQKO kýrerleri baılanysa alady.
Avtokólikter agregattaryn sáıkestendirýdiń ekinshi angary ashyldy, onyń ishinde termınaldar arqyly azamattar ózderiniń aıyppuldaryn nemese salyq qaryzyn anyqtaýǵa jáne aqysyn tóleýge tolyq múmkindikteri bar.
Qolǵa alynǵan sharalar nátıjesinde qyzmet alýshylardyń kútý ýaqyty 79%-ǵa, al qyzmet kórsetý ýaqyty 58%-ǵa qysqartyldy.
Odan bólek, mamandandyrylǵan HQKO jumys kestesiniń uzaqtyǵyn 23.00-ge deıin uzartý usynyldy, sonymen qatar, jeksenbi kúni qyzmet kórsetý men onlaın rejiminde memlekettik kórsetiletin qyzmetti qosý qajettiligi aıtyldy.
Agenttik mamandandyrylǵan HQKO jumysyn jaqsartý boıynsha halyqtan usynystardy qabyldaýǵa daıyn ekenin málimdeıdi.
Agenttiktiń ınternet-resýrsynda arnaıy aıdar jumys jasaýda (aıdarǵa silteme), onda azamattar kórsetiletin memlekettik qyzmet sapasy boıynsha óz usynystary men eskertpelerin qaldyra alady.
Mamandandyrylǵan HQKO astanalyq tájirıbesi men azamattardan túsken usynystar - HQKO qyzmetin, sondaı-aq, jergilikti atqarýshy organdar men memlekettik organdardyń aýmaqtyq bólimsheleriniń qyzmet kórsetý oryndarynyń jumysyn jaqsartý, jobanyń iske asyrylýy barysynda eskeriledi.
Atalǵan eskertpeler halyqtyń memlekettik organdarǵa jáne bılikke degen senimdiligine áser etedi.
«Tutynýshyǵa baǵyttalý» qaǵıdasyn júzege asyrýǵa qatysty Memleket basshysynyń tapsyrmalaryn oryndaý maqsatynda, sonymen qatar, azamattardyń memlekettik qyzmet alýda qolaılyǵy úshin memlekettik qyzmet kórsetetin basqa da nysandarda tártip ornatý boıynsha qosymsha sharalar qabyldanatyn bolady.