Astananyń kommýnaldyq qyzmeti qar tazalaýǵa daıyn ba

NUR-SULTAN. QazAqparat – Nur-Sultan qalasynyń ákimi Altaı Kólginov kommýnaldyq qyzmetterdiń daıyndyǵy jóninde aıtyp berdi, dep habarlaıdy QazAqparat tilshisi.

«Ótken jyly qalyń qar jaýdy. «Qazgıdromet» habarlaǵandaı, jaýyn-shashynnyń negizgi normasy - 99 mm bolsa, ótken jyly 200 mm-ge jetken. Sońǵy ret mundaı qalyń qar 60-shy jyldardyń ortasynda jaýǵan. Bizdiń kommýnaldyq qyzmetterdiń eńbegin baǵalaý qajet, olar kúndiz-túni jumys istedi jáne kóktemge qaraı bir de bir sý tasqynyna jol bermedi», - dedi Altaı Kólginov Ortalyq kommýnıkatsııalar qyzmetinde ótken brıfıngte.

Ákimniń aıtýynsha, ótken jyly 100-den astam tehnıka satyp alyndy, bul qar tazalaý kezinde aıtarlyqtaı kómektesti.

«Esterińizde bolsa, qandaı boran, qar jaýsa da, joldarda keptelis bolǵan joq. Qys maýsymyna deıin qar tazalaý boıynsha qyzmet kórsetetin merdiger uıymdarmen jeke kezdestim. Árbir qalyń jaýǵan qardy tekseremiz. Bul júıeli jumys. Árbir merdigermen kelistik: qalyń qar jaýǵan kezde qyzmetkerlerge qosymsha bonýstar berilý kerek. Mundaı úlken jumysty baǵalaý jáne kómektesý kerek dep esepteımin. Bıyl biz «QDB Lızıng» boıynsha júzden astam tehnıka satyp alamyz», - dedi A. Kólginov.