Astananyń ınjenerlik jelileriniń 3D-formattaǵy úlgisi jasalýda
dep habarlady «Astana Innovations» kompanııasynyń baspasóz qyzmetinen pm.kz saıtyna.
«Bul 3D-jobalar jer jumystaryn júrgizý úderisin jeńildetýge jáne ońtaılandyrýǵa múmkindik beredi», - delingen habarlamada.
«Astana Innovations» kompanııasynyń janyndaǵy «3D tehnologııa quzyretindegi ortalyqta» ınjenerlik jelilerdi ǵana emes, sáýlet qurylystary men ónerkásiptik kásiporyndardy 3D-formatta jobalaýǵa múmkindik beretin zerthana jumys isteıdi.
Ortalyqtyń ınnovatsııalyq múmkindikteri jańa tehnologııalardy medıtsına salasynda da qoldanýǵa múmkindik beredi, mysaly kúrdeli hırýrgııalyq operatsııalardy jasamas buryn, ony 3D-formatta tekserip kórýge bolady.
«3D tehnologııa quzyretindegi ortalyq» - Astana ákimdigi men sheteldik seriktesterdiń birlesken jobasy. Sheteldik áriptesterdiń qatarynda Fraýngofer atyndaǵy Ónerkásiptik óndiristi uıymdastyrý men avtomattandyrý ınstıtýty bar.
«Bul - óte mańyzdy jáne joǵary tehnologııalyq jobalardyń damýyna qoldaý kórsetetin joba. 3D-tehnologııalar qazir naqty ınjenerııa úshin óte qajet, jáne dúnıejúzi boıynsha barlyq kompanııalar óz óndiristerine 3D-tehnologııalar engizýde. Tipti Germanııada jas stýdentter ózi oqýlaryn osy tehnologııanyń kómegimen bastaıdy - bul qazirgi zamannyń qajettiligi», - dedi Fraýngofer ınstıtýtynyń Qamqorshylar keńesiniń tóraǵasy, professor Býrghard Shıll pm.kz saıtyna bergen suhbatynda.
Esterińizge sala keteıik, «3D tehnologııa quzyretindegi ortalyqty» qurý jobasy Astananyń ınfraqurylymyn jańǵyrtýǵa negizdelgen «Smart Astana» jobasynyń aıasynda iske asyrylýda. Bul joba ortalyqtandyrylǵan basqarýdyń jańa múmkindikterin, servıstiń jańa deńgeıin jasaýǵa jáne qala turǵyndarynyń turmysyn jaqsartýǵa baǵyttalyp otyr.