Astananyń Indýstrıaldy parkinde joǵary tehnologııaly 40 zaýyt salynýda
dep habarlaıdy «Astana - jańa qala» arnaıy ekonomıkalyq aımaǵy Ákimshilik basqarmasynyń bastyǵy Meder Maselov pm.kz saıtyna bergen suhbatynda.
«AEA Indýstrıaldy parki aýmaǵynda jobalardy júzege asyrý jónindegi jumystar qyzý júrgizilýde. Atap aıtqanda, 40 astam zaýyt salynýda, olardyń 7 iske qosyldy, 5 jyl sońyna deıin beriledi. Bular - mashına jasaý, aspap jasaý jáne qurylys materıaldaryn óndirý salasyndaǵy joǵary tehnologııalyq ónim óndiriletin barynsha iri ınvestıtsııalyq jobalar», - dep habarlaıdy basqarma bastyǵy.
Sondaı-aq, ol ІІІ Halyqaralyq ınvestıtsııalyq «Astana Invest 2012» forýmy aıasynda qol qoıylǵan yntymaqtastyq týraly 7 memorandým men 1 ınvestıtsııalyq usynysty júzege asyrý jolynda ınvestorlarmen birlesken jumystardyń da belsendi túrde júrgizilip jatqanyn atap ótti.
M.Maselovtyń aıtýynsha, 2012 jyldyń І jartyjyldyǵynda Astananyń negizgi kapıtalyna quıylǵan ınvestıtsııa 244 mlrd teńgeni qurap, ótken jyldyń osy merzimimen salystyrǵandaǵy ósim 31 paıyzǵa jetken.
AEA ákimshiligi basqarmasy bastyǵy habarlaǵandaı, ınvestıtsııa tartý jónindegi jumysta óz qyzmetin «bir tereze» prıntsıpimen júrgizetin Investorlarǵa qyzmet kórsetý ortalyǵy joǵary belsendilik tanytýda.
«Astana ákimdigi ınvestıtsııa tartý jóninde qyzý jumystar júrgizýde. Ótken jyldyń qarasha aıynda Investorlarǵa qyzmet kórsetý ortalyǵy qurylǵan. Ár ınvestor jergilikti atqarý organy tarapynan qoldaýǵa ıe bolyp, zaýyt nemese kóppáterli turǵyn úı kesheni qurylysy bolsyn, qandaı da bir ınvestıtsııalyq jobalardy júzege asyrý barysynda týatyn túrli suraqtaryna jaýaptar alady», - dep atap ótti Meder Maselov.
Qala ekonomıkasynyń ınvestıtsııasyna sheteldik nemese otandyq ınvestorlardy tartýdan basqa, IQO negizgi maqsaty ınvestorlar úshin jaıly ınvestıtsııalyq ahýal týǵyzý bolyp tabylady.
«Astana - jańa qala» arnaıy ekonomıkalyq aımaǵy Ákimshiligi basqarmasynyń málimetterine qaraǵanda, Astanada sheteldik ınvestorlar men memlekettik organdar, qarjy ınstıtýttary men bıznes qaýymdastyqtary ókilderiniń qatysýymen qarjylandyrýǵa arnalǵan jobalardy qarastyratyn qalalyq ınvestıtsııalyq klýb ashý kózdelgen.
Investorlarmen jumys naqtylyq sıpatynda bolyp, mashına jasaý, hımııalyq jáne farmatsevtıkalyq ónerkásip, qurylys ındýstrııasy sııaqty basym salalar boıynsha júrgiziletin bolady.