Astananyń eski bóliginde garajdar buzylady

ASTANA. QazAqparat - Álııa Moldaǵulova kóshesi aýdanynda ornalasqan 1,4 gektar jer telimin saıabaq salý úshin Astana ákimdigi satyp alady, dep habarlaıdy QazAqparat tilshisi.

«Qoldanystan shyǵarylatyn jer teliminiń shekarasyna «Olımpıada-80» jekemenshik garajdar kooperatıvi, Á. Moldaǵulova kóshesi, 21/1 mekenjaıyndaǵy №9 sport mektebi, TP-132 transformator stantsııasy, Á. Moldǵulova kóshesindegi №19 jáne №21 jataqhanalar kiredi», delingen Astana qurylys jáne turǵyn úı saıasaty basqarmasynyń QazAqparattyń resmı saýalyna bergen jaýabynda.

Ýchaske saıabaq qurylysy jobalaý úshin tabıǵı resýrstar jáne tabıǵatty paıdalaný basqarmasyna beriledi.

Garaj kooperatıviniń aýmaǵy tolyq alynady. Bıýdjettik baǵdarlamaǵa sáıkes, 2017 jyly garajdarmen birge jer telimderin satyp alýǵa 153,2 mıllıon teńge bólingen.

Sport mektebi men transformator aǵymdaǵy jyldyń 15 sáýirinen bastap buzylady.