Astananyń daryndylary anyqtaldy

ASTANA. QazAqparat - Beıbitshilik jáne kelisim saraıynda «Astana daryny - 2017» baıqaýynyń jeńimpazdaryn marapattaý saltanaty sharasy ótti, dep habarlaıdy elorda ákimdiginiń medıa ortalyǵy . 

Astana qalasynyń jastar saıasaty máseleleri basqarmasy uıymdastyrǵan baıqaýǵa qatysýǵa 200-den asa ótinim túsken. 16 atalym boıynsha úzdikter anyqtalyp, 

Qazaqstan Respýblıkasynyń Tuńǵysh Prezıdenti kúninde baıqaýdyń  saltanatty marapattaý rásimi ótti.

Qatysýshylardy marapattaý saltanatyna Astana ákiminiń orynbasary Ermek Amanshaev pen QR Parlamentiniń Májilis depýtattary Baqytbek Smaǵul men Serik Sápıev qatysty. 

Baıqaýda ǵylym, úkimettik emes uıym, teatr, qoǵamdyq qyzmet, sport, jýrnalıstıka, jas kásipker, jyl eriktisi , áleýmettik salanyń úzdik qyzmetkeri, estrada, jyl stýdenti, kıno, úzdik memlekettik qyzmetker jáne t.b nomınatsııa boıynsha myqtylar anyqtaldy. 

Qatysýshylardyń qurmetine estrada ókilderiniń qatysýymen kontsert ótti. 

Aıta keteıik, Astana ákimdigi atalǵan baıqaýdy jyl saıyn ótkizýdi josparlap otyr.