Astananyń birqatar kósheleri qala kúnine deıin jóndeýden ótedi
16-týǵan kúnin toılaǵaly otyrǵan Astananyń qysqa merzimde damyǵan, ekonomıkasy turaqtalǵan iri megapolıske aınalyp shyǵa kelgenine kúlli álem kýá boldy. Elordanyń aldaǵy ýaqytta atqarar mindeti zor. Arǵysyn aıtpaǵanda, elimizdiń ár aımaǵynan 100 myńnan astam adam jınaıtyn qala kúni erekshe sán-saltanatpen ótýi tıis. Al, qala turǵyndary men qonaqtarynyń júrip-turýy yńǵaıly bolýy úshin taqtaıdaı tegis jol, qaýipsiz ári kógaldandyrylǵan kóshe kerek.
Byltyr ǵana qala kósheleri kúrdeli jóndeýden ótip, kósheler keńeıtilip, birneshe shaqyrym jol salynǵan edi. Búgin qala ákimi Imanǵalı Tasmaǵambetov 14 kósheni aralap kórip, merdigerlik qurylys uıymdarynyń jumys barysymen tanysyp, birqatar tapsyrmalar berdi.
Jańa jol salý, tuıyq joldardy ashý, qala mańyndaǵy aımaqtardy jol ınfraqurylymymen qamtamasyz etý jumys kestesinen túspeıtin másele. Jumys barysyn jipke tizip túsindirip, qala basshysyna esep bergen merdiger qurylys uıymdarynyń basshylary jumysty 1 shildege deıin aıaqtaýǵa ýáde berdi.