Astananyń bir kóshesine Rýdakı esimi beriledi

ASTANA. QazAqparat - Elorda kósheleriniń birine tájik aqyny, fılosof Rýdakı esimi beriledi. Bul týraly búgin Tájikstan Prezıdenti Emomalı Rahmonmen kelissózderden keıin birlesken málimdeme jasaý barysynda Qazaqstan Prezıdenti Nursultan Nazarbaev aıtty dep habarlaıdy QazAqparat.

«Ózara is-qımyldyń mańyzdy salasy mádenı-gýmanıtarlyq baılanystar. Yntymaqtastyǵymyzdy damytýda bizde turyp jatqan tájik dıasporasy aıtarlyqtaı rólge ıe. Qazaqstandaǵy tájikterdiń ulttyq-mádenı ortalyqtary bar jáne olar  Qazaqstan halqy Assambleıasyna da kiredi. Sonymen qatar, eki ult arasyndaǵy qarym-qatynasty nyǵaıtý úshin elorda kósheleriniń birine  tájiktiń uly aqyny, fılosof Rýdakıdiń esimin berý týraly sheshim qabyldandy», - dedi Elbasy.

Qazaqstan Prezıdenti  bul oqıǵa Qazaqstan men Tájikstan arasyndaǵy jarqyn nyshandardyń birine aınalatyndyǵyn basa aıtty.