Astananyń ákimshilik sotynda ákimshilik sot isin júrgizýdiń ońtaılandyrý jobasy iske qosyldy

ASTANA. QazAqparat - Astana qalasynyń mamandandyrylǵan aýdanaralyq ákimshilik sotynda ákimshilik ister boıynsha qaýlylardyń elektrondy nusqasyn saqtandyrý kompanııalaryna usyný máselelerine qatysty baspasóz májilisi ótti.

Іs-sharaǵa Joǵarǵy Sottyń Aqparattyq tehnologııalar jáne aqparattyq resýrstardy qorǵaý bóliminiń meńgerýshisi S.Omash, Astana qalasy ІІD ÁPB ákimshilik tájirıbe bóliminiń bastyǵy A. Beısembaev, ákimshilik sottyń sýdıalary B.Nurjan, A.Qaıdarova, U.Súleımenova, sondaı-aq «Kommesk-Ómir», «Tsesna Garant», «Kazkommerts-Polıs», «Kazahınstrah», «Evrazııa saqtandyrý kompanııasy» AQ ortalyq fılıalynyń ókilderi qatysty.

Joǵarǵy Sottyń sheshimine sáıkes, atalǵan joba bıylǵy 1-qyrkúıekten bastap, elimizdiń barlyq ákimshilik sottarynda iske qosylady. 

Kezdesý barysynda sot tóraǵasynyń mindetin atqarýshy Q.Imanalıev jol-kólik apaty saldaryna baılanysty saqtandyrý tólemderin tóleý maqsatynda sýdıanyń elektrondy sandy qoltańbasymen kýálandyrylǵan ákimshilik quqyq buzýshylyq týraly qaýlylardyń elektrondy nusqasyn Astana qalasy boıynsha «Kazahınstrah» saqtandyrý kompanııasy fılıalyna joldaýdy kózdeıtin pılottyq jobanyń sotta iske qosylǵanyn aıtty.

2016 jylǵy 15 tamyzda QR Joǵarǵy Sotynyń Tóraǵasy  aǵymdaǵy jyldyń 1 qyrkúıeginen bastap barlyq mamandandyrylǵan ákimshilik sottarda osy atalǵan jobany iske qosý týraly sheshim qabyldady.

Atalǵan jańashyldyq sot aktisiniń zańdy kúshine engendigi týraly belgi qoıdyryp, ony keıinnen saqtandyrý kompanııasyna usyný boıynsha azamattardyń qosymsha júktemesin qysqartty. Jobaǵa sáıkes, sot qyzmetkerleri qaǵazbastylyqtan arylyp, sot protsesine qatysýshylar ýaqyttaryn únemdeıtin boldy.

Baspasóz májilisinde sot qyzmetkerleri pılottyq jobanyń artyqshylyqtarymen tanystyrdy

Baspasóz májilisiniń sońynda qatysýshylar osy jańashyl baǵytty  elektrondy sot tóreligine kóshýdiń taǵy bir naqty kórsetkishi bolyp tabylatyndyǵyn atap ótti.