Astananyń 20 jyldyǵyna oraı Bakýde saltanatty qabyldaý ótti

BAKÝ. QazAqparat - Bakýde ornalasqan Ázerbaıjandaǵy QR Elshiliginde Qazaqstan astanasynyń 20 jyldyǵyna oraı resmı qabyldaý ótti, dep habarlaıdy QazAqparat tilshisi.

Sharaǵa Úkimet basshylary, depýtattar, Ázerbaıjannyń iskerlik jáne qoǵamdyq ortalardyń ókilderi, sondaı-aq, eldegi dıplomatııalyq korpýstyń qyzmetkerleri qatysty.

Ázerbaıjandaǵy Qazaqstannyń elshisi Beıbit Isabaev óz sózinde Astana boı kótergen jyldary tek saıası, ekonomıkalyq jáne mádenı ortalyq qana emes, sondaı-aq, álemdik jáne óńirlik deńgeıdegi halyqaralyq is-sharalardy ótkizetin orynǵa aınalǵanyn aıtyp ketti.

«TMD elderiniń ishinde alǵash ret Qazaqstannyń astanasy ótkizgen «EKSPO-2017» halyqaralyq mamandandyrylǵan kórmesin atap ótpeske bolmaıdy. Astana - erekshe sáýletimen kózge túsetin, Shyǵys pen Batysty bir arnaǵa toǵystyrǵan qala. Búginde Qazaqstannyń ózindik brendine, ulttyq nyshany men maqtanyshyna aınalyp otyr», - dedi B. Isabaev.