Astananyń 20 jyldyǵyna oraı alpınıster 20 shyńdy baǵyndyrýdy kózdep otyr

ASTANA. QazAqparat - Halyqaralyq alpınıster komandasy elordanyń 20 jyldyǵyna oraı Qazaqstandaǵy 20 shyńdy baǵyndyrýdy josparlaýda. Bul týraly arnaıy baspasóz týrynda «Kazakh Tourism» UQ» AQ-nyń basqarma tóraǵasy Rashıd Kúzembaev málim etti, dep habarlaıdy «QazAqparat» HAA tilshisi.

«Astanamyzdyń 20 jyldyǵyna oraı, týrızm baǵytynda birqatar sharalardy ótkizý kózdelýde. Eń aldymen, biz 20 shyńdy baǵyndyrý bastamasyn qolǵa aldyq. Onyń 20-sy ataýsyz bolady. Baǵyndyrylǵan sońǵy shyń «Astana» dep atalmaq. Bul baǵdarlarmen halyqaralyq alpınıster júrip ótedi. Olardyń qatarynda bizdiń alpınıster de bar. Biraq, eń aldymen álemge tanymal taýǵa órmeleýshiler bul iske kiriskeli otyrǵanyn atap ótkimiz keledi», - deıdi Rashıd Kúzembaev.

«Kazakh Tourism» basshysy atalǵan bastama Qazaqstannyń tabıǵatynyń alýan túrliligin nasıhattaýda taptyrmas shara bolǵaly turǵanyn tilge tıek etti.

«Sonymen qatar, álemge ataqty jıhangez ıAtsek Palkevıch ózi aıtqanda «Jańa Uly Jibek jolymen» júrip ótýdi josparlaýda. Ol jáne onyń jolserikteri Qytaıdan saparyn bastap, Qazaqstan arqyly Ortalyq Azııaǵa, odan keıin Reseıden Belarýs pen Polshaǵa jetýdi oılastyrýda. Biz bul sharany da Astananyń 20 jyldyǵyna arnap otyrmyz. Sebebi, ıAtsek bastaǵan jıhangezder Astana arqyly Býrabaıdy da kesip ótedi», - deıdi R.Kúzembaev.