Astananyń 20 jyldyǵy: Qańǵybastardy basqa jerge kóshirmeıdi
"Astanada arnaıy ońaltý ortalyǵy bar. Eger adamnyń naqty turǵylyqty jeri men qujaty bolmasa, ony atalǵan ortalyqqa jetkizedi. Sebebi onyń kim ekenin anyqtaý qajet. Áli esimde, EKSPO kezinde qańǵybastardy basqa jaqqa kóshirýge qatysty alypqashpa áńgime kóp bolǵan. Astana kúnin toılaý kezinde ondaı sharalar bolmaıdy. Ushaqpen de, poıyzben de eshkimdi kóshirmeımiz. Alaıda tártip buzýshylyq bolsa, ondaı adamdardy ustap, ońaltý ortalyǵyna jetkizedi", - dedi I. Lepexa Astanada ótken baspasóz máslıxatynda.
Aıta keteıik, Astana kúni qarsańynda elordanyń quqyq qorǵaýshylary, sondaı-aq úsh oblystyń jeke quramy kúsheıtilgen rejimge kóshetin bolady. QR ІІM memlekettik til jáne aqparat departamentiniń dırektory Almas Sádýbaevtyń aıtýynsha, 27 maýsym men 8 shilde aralyǵynda astanalyq garnızon, sondaı-aq Aqmola, Qaraǵandy jáne Pavlodar oblystarynyń jeke quramy kúsheıtilgen rejimge kóshiriledi. "Ol kúnderi elorda aýmaǵynda qoǵamdyq tártipti polıtsııanyń kúsheıtilgen jasaqtary baqylaıdy. Al merekelik sharalar ótetin jerlerde táýlik boıy kezekshilik júrgiziledi", - dedi A.Sádýbaev Astanada ótken baspasóz máslıxatynda. Al QR ІІM Ákimshilik polıtsııa komıtetiniń tóraǵasy Igor Lepexa mereke kúnderi mas bolǵan adamdardy ustap áketýge qatysty túsinik berdi.