Astanany turǵyzyp, elordaǵa aınaldyrǵan Elbasynyń ózi emes pe - Nesipbek Dáýtaı

NUR-SULTAN. QazAqparat - Jazýshy Nesipbek Dáýtaı Astana qalasy ataýynyń Nur-Sultan bolyp ózgerýine qatysty pikir bildirdi, dep habarlaıdy QazAqparat.

«Nursultan Ábishuly - Táýelsizdiktiń alǵashqy jyldarynan bastap Qazaqstan halqymen birge jasasyp, eli úshin tynbaı jumys istep kele jatqan kórnekti tulǵa. Bul bir. Ekinshiden, Astana qalasyn turǵyzyp, Elordaǵa aınaldyrǵan da ózi emes pe?! Endeshe, Elordaǵa «Nur-Sultan» degen ataý bergende turǵan ne bar?! Astanamyz qazaqtyń mańdaıyna bitken tulǵanyń esimimen atalǵany quptarlyq is», - deıdi Halyqaralyq «Alash» ádebı syılyǵynyń laýreaty.

Jazýshynyń aıtýynsha, bul tarıhı sheshimniń jańa prezıdenttiń usynysymen qabyldanǵanyna barlyǵy kýá.

«El tizginin ustap otyrǵan azamattar osyndaı qararǵa kelse, halyq bop qoldaıtyn jónimiz bar. Bul sheshimdi jaǵympazdyqqa balap jatqandar da bar. Kózimiz shaldy. Jappaı halyqty bul úshin kústanalaýdyń da qajeti joq. Saıası saýaty tolyq jetilmegen qarapaıym halyqty arandatýǵa qumar toptar bolady. Halyqqa siz bolyp, biz bolyp uǵyndyrýymyz lázim. Bul tarıh ózi jolymen, joralǵysymen shyǵarǵan sheshim. «Nur» sózi de, «sultan» sózi de sakraldyq mánge ıe. «Nur-Sultan» qalasy dep ataý baıtaq elimizdiń astanasyna jarasyp-aq tur. Men bárińizdi osy sheshimdi qoldap, ult bolyp uıysý jolyndaǵy tutas ıdeıaǵa qyzmet etýge shaqyramyn», - dep atap ótti Nesipbek Dáýtaı.