Astanany qors'ag'an «jasyl beldey'din'» ay'mag'y 78 myn' gektarg'a jetti

ASTANA. QazAqparat - Astanany qors'ai' egilgen orman alqabynyn' ay'mag'y 78 myn' gektarg'a jetti, dep habarlai'dy «QazAqparat» HAA tils'isi.

«O'zderin'iz biletindei', Astananyn' jan-jag'yn jasyl ay'maqqa ai'naldyry' jumysyn Elbasynyn' o'zi tapsyrg'an bolatyn. Bu'gingi tan'da Astanany qors'ag'an «jasyl beldey'din'» ay'mag'y 78 myn' gektarg'a jetti», - dei'di QR AS'M Orman s'ary'as'ylyg'y ja'ne jany'arlar du'ni'esi komi'teti to'rag'asynyn' orynbasary Qai'rat U'stemirov OKQ-da o'tken baspaso'z ma'sli'hatynda. 

Onyn' ai'ty'yns'a, elordanyn' man'y jasyl ay'maqqa ai'nalyp bara jatqanymen, kei'bir oblystarda orman alqaptary ken'ei'er emes.

«Kei'bir oblystarda ag'as' otyrg'yzy' arqyly orman alqaptaryn ken'ei'ty' jumystary kenjelep qaldy. Oblys a'kimdikteri muny orman s'ary'as'ylyg'y qorynyn' joqtyg'ymen bai'lanystyrady. Alai'da «Qazaq orman s'ary'as'ylyg'y» ka'sipornynyn' ma'limetine su'i'ensek, respy'bli'kanyn' orman s'ary'as'ylyg'y qory 2,5 mln gektarg'a jetken. Al a'kimdikter bul ko'rsetkis'ti bar-jog'y 825 myn' gektar degendi alg'a tartady», - dei'di Qai'rat U'stemirov.

Ji'yn barysynda komi'tet o'kili orman alqaptaryn ken'ei'ty' bag'ytynda jeke s'ary'as'ylyqtarg'a da qolday' ko'rsetiletinin jetkizdi.