Astanany qorshaǵan «jasyl beldeýdiń» aýmaǵy 78 myń gektarǵa jetti

ASTANA. QazAqparat - Astanany qorshaı egilgen orman alqabynyń aýmaǵy 78 myń gektarǵa jetti, dep habarlaıdy «QazAqparat» HAA tilshisi.

«Ózderińiz biletindeı, Astananyń jan-jaǵyn jasyl aýmaqqa aınaldyrý jumysyn Elbasynyń ózi tapsyrǵan bolatyn. Búgingi tańda Astanany qorshaǵan «jasyl beldeýdiń» aýmaǵy 78 myń gektarǵa jetti», - deıdi QR AShM Orman sharýashylyǵy jáne janýarlar dúnıesi komıteti tóraǵasynyń orynbasary Qaırat Ústemirov OKQ-da ótken baspasóz máslıhatynda.

Onyń aıtýynsha, elordanyń mańy jasyl aýmaqqa aınalyp bara jatqanymen, keıbir oblystarda orman alqaptary keńeıer emes.

«Keıbir oblystarda aǵash otyrǵyzý arqyly orman alqaptaryn keńeıtý jumystary kenjelep qaldy. Oblys ákimdikteri muny orman sharýashylyǵy qorynyń joqtyǵymen baılanystyrady. Alaıda «Qazaq orman sharýashylyǵy» kásipornynyń málimetine súıensek, respýblıkanyń orman sharýashylyǵy qory 2,5 mln gektarǵa jetken. Al ákimdikter bul kórsetkishti bar-joǵy 825 myń gektar degendi alǵa tartady», - deıdi Qaırat Ústemirov.

Jıyn barysynda komıtet ókili orman alqaptaryn keńeıtý baǵytynda jeke sharýashylyqtarǵa da qoldaý kórsetiletinin jetkizdi.