Astanany gazben qamtamasyz etetin ekinshi stantsııa salynbaq

ASTANA. QazAqparat - Telman tabıǵı suıyltylǵan gazymen qaıta jabdyqtaıtyn jańa stantsııa men gaz qubyrlaryn tartýdy jobalaý jumystary bastaldy. Bul Qazaqstan Respýblıkasy men Astana aýmaǵy úshin ekinshi stantsııa, dep habarlaıdy Astana qalasy ákimdiginiń medıa ortalyǵy «Global Gas Group» JShS-ne silteme jasap.

«Global Gas Group» suıyltylǵan tabıǵı gaz (STG) tehnologııasynyń kómegimen,  Astana LNG 2020 jobasynyń jańa kezeńi bastalǵanyn habarlaıdy. «Bul gazben jabdyqtaýdyń «qubyrsyz» ádisi - ıaǵnı dástúrli magıstralǵa balama bolyp tabylatyn qalaǵa «úlken qubyrdyń» kelýin daıyndaý jáne qalalyq gaz qubyrlary júıesin jedel qalyptastyrýǵa múmkindik beredi, delingen siltemede.

«Jobanyń strategııalyq maqsaty - tabıǵı suıyltylǵan gaz tehnologııasynyń bazasynda gazben jabdyqtaýdyń ınfrqurylymyn jasaý jáne tabıǵı gaz tutynýshylardy úzdiksiz qamtamasyz etý. Jekemenshik úı sharýashylyǵy, kommýnaldyq-turmystyq kásiporyndar men basqa da tutynýshylar jylýdyń shyǵynyn jáne ystyq sý jabdyǵy men tamaq daıyndaýdyń shyǵynyn óteı alady», - deıdi Astana LNG 2020 jobasynyń negizin qalaǵan Oleg Goncharov.  

2017 jyldyń qazan aıynyń alǵashqy jartysynda Telman STG qaıta jabdyqtaýdyń ekinshi stantsııasyn jobalaý bastaldy. Stantsııa Astananyń oń jaǵalaýynan N.Nazarbaev áýejaıyna deıin jalǵasady. Ony paıdalaný 2018 jyldyń aıaǵyna josparlanyp otyr.

«Telmandy gazben qaıta jabdyqtaý kesheni Turan birinshi stantsııasynan ózgesheleý bolmaq. Onda suıyltylǵan tabıǵı gaz qoryn tutynýshylarǵa 10 kúnge deıin saqtaýyna múmkindik beredi», - deıdi Global Gas Regazification dırektory Panaet Saýlıdı.

Telman gaz kesheni Turan stantsııasymen túıistirilip, gazben jabdyqtaý júıesin senimdi ete túspek. Jobada uzaqtyǵy 15 km shaqyrymdy quraıtyn gaz qubyry qarastyrylǵan. Jańa stantsııanyń qýaty - saǵatyna 15 000 m3. Bul kásiporyndardy úzdiksiz ekologııalyq janarmaımen qamtýǵa, atmosferaǵa janǵan qaldyq zattardy tókpeýdi azaıtady.

Gazben jabdyqtaý aýmaǵynda ornalasqan áýejaı, jekemenshik jáne iri memlekettik tutynýshylar, velotrek, «Alaý», «Barys Arena» sport keshenderi gazǵa aýysýdy kútip otyr. Osylaısha Turan men Telman keshenderiniń jumysy jylyna bıýdjettiń 5 mıllıardqa deıin aqshasyn únemdemek.

Eske sala keteıik, 2017 jyly aqpanda Turandy gazben qaıta jabdyqtaý kesheniniń Astanadaǵy eń birinshi gaz qubyry jiberilgen bolatyn. Onyń eń alǵashqy tutynýshysy Nazarbaev ýnıversıteti boldy.