Astananyń turǵyn alaptarynda jańa jyldyq kóńil-kúı ornady

<p>Búgin, 31 jeltoqsanda elordanyń birneshe turǵyn alabynda jańa jyldyq merekelik baǵdarlama uıymdastyryldy, dep habarlaıdy <a href="Kazinform" target="_blank" rel="noopener">Kazinform</a> Astana ákimdiginiń resmı saıtyna silteme jasap.&nbsp;</p>

Qala turǵyndaryna shyǵarmashylyq ujymdar men qazaq estrada juldyzdarynyń qatysýymen kontsertter usynyldy.

Merekelik sharalardy Astana qalasynyń mádenıet basqarmasyna qarasty 12 mekeme men aýdan ákimdikteri uıymdastyrdy. Merekelik baǵdarlama saǵat 12.00-den 13.00-ge deıin kelesi oryndarda ótti:

Esil aýdanynda – «Prıgorodnyı» TA;

Saryarqa – Kóktal saıabaǵy;

Baıqońyr – «Óndiris» TA;

Turǵyndarǵa E.Rahmadıev atyndaǵy Memlekettik akademııalyq fılarmonııa, «Naz» memlekettik bı teatry, elordalyq tsırk jáne basqa da ujymdar jańa jyldyq kóterińki kóńil-kúı syılady.

Kontsertke kelgen turǵyndar da óz áserlerimen bólisti.

«Men «Naz» bı teatrynyń tamasha ártisterine keremet kontsert úshin shyn júrekten alǵys aıtqym keledi! Biz búkil otbasymen keldik jáne óte rıza boldyq. Úlkender men balalarǵa kúni boıy kóterińki kóńil-kúı syılaǵandaryńyz úshin rahmet», – deıdi Kóktal turǵyn alabynyń turǵyny Dáýren Qabdrahmanov.

Sharaǵa barlyǵy turyn alaptardan 500-ge jýyq turǵyn qatysty.

Esterińizge sala keteıik, búgin saǵat 21:00-den 02:00-ge deıin Qala alańynda, «Qazaq eli» monýmentiniń janynda, EKSPO alańynda elorda turǵyndary men qonaqtaryna arnalǵan «Jańa jyl túni» merekelik kontsertteri ótedi. Oǵan Qanay, Álı Oqapov, Ayree, Marjan Arapbaeva, Ilhan Ihsan, Kenjebek Janabilov, Dıana Ismaıl, Aýka, Erkesh Hasenov, Serik Ibragımov, Álisher Karımov, grýppa «Kılımandjaro», Almas Kishkenbaev, Beıbıt Qorǵan t.b. otandyq óner juldyzdary qatysady.