Astananyń sport nysandary Kóshpendiler oıynyna daıyn ba

<p>ASTANA. KAZINFORM &ndash; Dúnıejúzilik kóshpendiler oıynynyń bastalýyna 10 kún qaldy. Sońǵy daıyndyq jumystary jóninde Dúnıejúzilik kóshpendiler oıyndaryna daıyndyq jáne ótkizý dırektsııasy basshysynyń orynbasary Abylaı Qondybaev aıtyp berdi.</p>

«Árıne, bizde sońǵy jumystar qaldy, sporttyq jabdyqtar sport nysandaryna jetkizilýde. Degenmen barlyq kúrdeli jóndeý jumystary aıaqtaldy. Keıbir sport nysandarynda Qazaqstannyń ulttyq quramalary jattyǵýdy bastap ketti», - dedi spıker «Qazanat» ıppodromynda ótken baspasóz máslıhatynda.

Onyń aıtýynsha, birneshe nysan halyqaralyq jarystarǵa daıyn, sonyń ishinde «Qazanat» ıppodromynda oqý-jattyǵý jumystary júrip jatyr.

«Munda úsh kún buryn bizdiń kókpardan ulttyq quramamyz keldi. Al 10 kún buryn dástúrli sadaq atýdan ulttyq quramamyz daıyndyqtaryn bastap ketti. Barlyq sport túrinen quramalarymyz Astanaǵa jetti», - dep tolyqtyrdy Abylaı Kondybaev.

Aıta keteıik, 5-shi Dúnıejúzilik kóshpendiler oıyndary Astana qalasynda 8-13 qyrkúıek aralyǵynda ótedi. Onda sporttyń 21 túri boıynsha 97 medal jıyntyǵy sarapqa salynbaq.

Álemdik dodaǵa 89 elden 2800-ge jýyq qatysýshy keledi dep josparlanyp otyr. Sonymen birge, Astanaǵa 100 myńǵa jýyq týrıst kelýi múmkin.

Dúnıejúzilik kóshpendiler oıynyna qazaq sportshylary barlyq 21 sport túrinen qatysady. Sonyń bárinen medal alýdy josparlanǵan.

Sondaı-aq, 8 qyrkúıekte «Astana-Arena» stadıonynda ótetin Dúnıejúzilik kóshpendiler oıyndarynyń ashylý saltanatyna barlyq bılet satylyp ketti.