Astananyń «Saryarqa» aýdanynda gazben qamtý jumystary qalpyna keltirildi

<p>Bıylǵy 16-jeltoqsanda 12 saǵat 58 mınýtta Astanada aýa temperatýrasynyń kúrt tómendeýine baılanysty &laquo;Saryarqa&raquo; aýdanyn, naqtyraq aıtqanda &laquo;Kóktal-1&raquo;, &laquo;Kóktal-2&raquo; jáne &laquo;Agrogorodok&raquo; eldi mekenderin gazben qamtamasyz etetin basty gaz retteý pýnktinde qaýipsizdik klapany iske qosyldy.</p>

Bul týraly Kazinform kaztransgaz_aimak_ast Instagram paraqshasyna silteme jasap habarlaıdy.

«Intergaz Ortalyq Azııa» AQ-nyń fılıaly shuǵyl túrde gazdy taratý jelilerine jiberý úshin barlyq qajetti sharalardy qolǵa aldy.

Saǵat keshki 19:00-de atalǵan eldi mekenniń abonentteriniń 80% gaz berildi. Ózge abonettterge gaz kezekpen jiberilip jatyr.

«Apatty jaǵdaıdyń aldyn alý úshin turǵyndardan arnaıy qyzmet ókilderi habarlamaı turyp, gaz qurylǵysyn iske qospaı turýdy suraımyz. Sondaı-aq gazben baılanysty máseleler taǵy da týyndaıtyn bolsa, 55 89 76 nómirine habarlasyp, bolmasa WhatsApp jelisine jazba qaldyrý kerek. Jeligen túsken jazbalar Intergez Ortalyq Azııa mekemesine habarlanyp, óz kezeginde olar arnaıy brıgadalarǵa 5 mınýt ishinde joldanady»,-delingen habarlamada.