Astananyń keıbir aýdandary sýsyz qaldy

<p>ASTANA. KAZINFORM &ndash; Astananyń &laquo;oń jaǵalaýǵa&raquo; jatatyn bóliginde birneshe úı sýsyz qaldy. &laquo;Astana sý arnasy&raquo; mekemesi elektr jelisindegi aqaýdan týyndaǵan qolaısyzdyq kóp keshikpeı joıylatynyn aıtty.</p>

Kompanııanyń málimeti boıynsha búgin saǵat 18.45 kezinde sý soryp, súzetin stansada elektr qýatynyń mólsheri kúrt artqan. Saldarynan «Kegok» AQ-ǵa tıesili 200 volttik jeli toqtan ajyratylǵan. Saldarynan sý soryp, súzetin stansada kerneý tómendep, qalanyń bir bóligi ishinara sýsyz qalǵan. 

«Qolaısyzdyqtyń sebebi aýa raıynyń jaısyzdyǵymen baılanysty. «Astana-REK» AQ-da avarııalyq irkilis joq. Elektr qýatynyń kenetten shekten tys berilýine baılanysty birqatar úıde sý bolmady. Qazir búkil qajetti jumystar istelip jatyr. Nysan 30 mınýttyń ishinde iske qosylady. Osydan keıin sýmen jabdyqtaý qalpyna keledi», - delingen kompanııanyń resmı habarlamasynda.