Astananyń qaı aýdandarynda qurylys qarqyndy júredi

<p>Aldaǵy 10 jylda Astana halqy 2,3 mln adamǵa deıin ósedi. Elorda ákimi Jeńis Qasymbek eseptik kezdesýinde 2035 jylǵa deıin qalany damytýdyń jańa bas jospary jóninde aıtyp berdi, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

«Prezıdent tapsyrmasymen 2035 jylǵa deıin qalany damytýdyń jańa bas jospary ázirlengen. Qala aýmaǵy ózgerissiz 79,7 myń gektar bolyp qalady. Onyń edáýir bóligin «Jasyl synalar» quraıdy, olar saıabaqtarmen, Esil, Aqbulaq, Sarybulaq ózenderiniń jáne Nura-Esil kanalynyń jaǵalaýlarymen birge biryńǵaı tabıǵı-landshaftyq keshen qurady. Jańa Bas josparǵa sáıkes, Myńjyldyq alleıasy, Telman turǵyn alaby jáne Turan dańǵylynyń batysyndaǵy aýdan perspektıvaly qurylys aýdandary bolyp anyqtaldy», - dedi ákim Ortalyq kommýnıkatsııalar qyzmetinde ótken baspasóz máslıhatynda.

Ákimniń aıtýynsha, aldaǵy 10 jylda qala halqy 2,3 mln adamǵa deıin ósedi dep boljanýda. Turǵyn úı qory eki esege ulǵaıady jáne 68 mln sharshy metrden asady.

«Jańa Bas josparǵa sáıkes 2035 jylǵa deıin barlyǵy 178 balabaqsha men 164 mektep, 93 densaýlyq saqtaý mekemesi salynady. Bas jospar jobasyn qala jurtshylyǵy, máslıhat depýtattary maquldap, qajetti saraptamalardan ótti», - dedi Jeńis Qasymbek.