Astananyń qar polıgondaryna 45 myń tekshe metr qar tógildi

<p>ASTANA. KAZINFORM &ndash; Qardyń kóp mólsherde jaýǵanyna baılanysty qaladaǵy kommýnaldyq qyzmet kúsheıtilgen rejımde jumys júrgizip jatyr. Bul týraly Astana qalasy ákimdiginiń saıty jazdy.</p>

«Túngi aýysymda qar tazalaý jumystarynda 300-ge jýyq jol jumysshysy, 1,3 myńnan astam arnaıy tehnıka jumyldyryldy», delingen habarlamada.

4 aqpan kúni elordadan 45 myń tekshe metrden astam qar nemese 3 364 júk reısi shyǵaryldy.

Qys bastalǵannan beri qaladan polıgondarǵa 3 659 196 tekshe metr qar, 269 753 júk reısi shyǵaryldy. Esterińizge salsaq, elordada birneshe qar polıgondary ornalasqan. Polıgondar samosval tehnıkasynyń nómirlik belgilerin oqý júıesimen jabdyqtalǵan. Munda beınebaqylaý kameralary ornatylǵan, jaryqtandyrý qosylǵan. Qar shyǵarý jumystary táýlik boıy, kúndizgi jáne túngi aýysymda júrgiziledi.

«Qazgıdromettiń» málimetinshe, 5 aqpanda Astanada qar jaýmaıdy, kún bultty bolady dep kútiledi. Ońtústik-batystan soǵatyn jel ekpini 15-20 m / s. Aýa temperatýrasy túnde -7-9 aıaz, kúndiz -1-3 gradýs bolady.