Astananyń birqatar ortalyq kóshesinde birjaqty qozǵalys bolady

<p>Elordada aqyly avtoturaqtar ornalasqan oryndar qaıta qaralady. Bul týraly Astana qalasynyń ákimi Jeńis Qasymbek aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Keler aıda biz avtoturaqtardyń oryndaryn qaıta qarastyramyz. Biz áleýmettik nysandardyń mańynda, ıaǵnı aýrýhanalar, mektepter aımaǵyndaǵy oryndarda tegin avtoturaq bolady. Biraq, negizgi aqyly avtoturaqtar qala ortalyǵyndaǵy kólik qozǵalysyn retteýdiń negizgi tetikteriniń biri ekenin túsinýimiz kerek», – dedi J. Qasymbek búgin qala kásipkerlerimen kezdesý barysynda.

Aıtýynsha, aqyly avtoturaqtar barlyq iri qalalarda, ortalyqta, kólik qozǵalysynda problemalary bar jerlerde jasaqtalǵan.

«Sondyqtan, lokatsııa men jumys ýaqytynyń ózgerýin, tarıf máselelerin eskere otyryp, biz keler jyly kólikterdiń júrý baǵyty boıynsha túbegeıli ózgeristi josparlaımyz. Ortalyqtaǵy birqatar kóshede birjaqty qozǵalys bolady. Buǵan qazirden bastap daıyndalyp jatyrmyz, qoǵamdyq tyńdaýlar bolady», – dedi qala ákimi.