Astananyń sáýlettik kelbetin buzatyn 1000-ǵa jýyq jarnama taqtaıshasy alynyp tastaldy

<p>ASTANA. KAZINFORM &ndash; Astana qalasynyń syrt kelbetin biryńǵaı dızaın-kodqa keltirý jumysy qarqyndy júrip jatyr. Bıyl jyl basynan beri tıisti talaptarǵa saı kelmegen 1000-ǵa jýyq jarnama taqtaıshasy alynyp tastaldy. Bul týraly dep elorda ákimdiginiń resmı saıty habarlady.&nbsp;</p>

Bes aýdan ákimdiginiń qyzmetkerleri zańsyz jáne sáıkes kelmeıtin jarnamanyń dızaın-kodyn túsindirý jáne alyp tastaý boıynsha kóshpeli is-sharalar ótkizip jatyr. Kásipkerlerge tıisti túsindirýler júrgiziledi, sol sııaqty dızaın-kodqa sáıkes kelmeıtin mańdaıshalardy aýystyrý qajettiligi týraly býkletter beriledi.

«Elordanyń biryńǵaı arhıtektýralyq-kórkemdik kelbetine „Astana-Jarnama“ KMM jaýapty, sondaı-aq mekeme qala aýmaǵynda ornalasqan syrtqy (kórneki) jarnamaǵa monıtorıng júrgizedi» — delingen habarlamada.

Jyl basynan beri ǵımarattar men qurylystardyń 161 qasbetine tekserý júrgizildi, onyń nátıjesi boıynsha qoldanystaǵy zańnamanyń talaptaryna sáıkes kelmeıtin jáne Astananyń biryńǵaı sáýlettik kelbetin buzatyn syrtqy jarnamanyń 1000-ǵa jýyq elementi alynyp tastaldy.

Mekeme qyzmetkerleri 1238 kásipkerlik sýbektisin qabyldap, olarǵa ǵımarattardyń qasbetterin sáýlettik-kórkemdik bezendirý máseleleri boıynsha qoldanystaǵy zańnamanyń talaptaryn túsindirdi. 

Sondaı-aq kásipkerlik sýbektileri belgileriniń 564 eskızi qaraldy.