Astanany aınala qoıylǵan polıtsııa beketteri jumysyn jalǵastyrady

<p>ASTANA. KAZINFORM &ndash; QR Іshki ister mınıstrligi elordaǵa kireberiste qoıylǵan polıtsııa beketteri jumysyn jalǵastyratynyn málim etti.</p>

«Astanada Shanhaı yntymaqtastyq uıymynyń sammıtin ótkizý kezeńinde qoǵamdyq tártip pen qaýipsizdikti qamtamasyz etý, sondaı-aq quqyq buzýdyń aldyn alý jáne jolyn kesý maqsatynda polıtsııanyń jeke quramy qyzmet ótkerýdiń kúsheıtilgen tártibine aýystyrylǵan. Sol kezde qalaǵa kireberiste statsıonarlyq beketter jumysyn bastady. Bul rette onda qujattar, avtokólikterde tyıym salynǵan zattardyń bar-joǵy tekserildi. Sonymen qatar, qazirgi kezde olar (beketter) jumysyn jalǵastyryp jatyr», - delingen mınıstrliktiń Kazinform agenttigine bergen jaýabynda.

Atap aıtqanda, bıyl tamyz aıynda bul beketter jumysyn qyrkúıek aıynyń ortasyna deıin jalǵastyratyny habarlanǵan edi.

Sol kezde V Dúnıejúzilik kóshpendiler oıyndary Astanada 8-13 qyrkúıek kúnderi ótti. Jarysqa álemniń 89 elinen 2 myńnan astam sportshy qatysty.

Eske salsaq, ShYU sammıti 3-4 shildede ótti. Osyǵan oraı, terrorıstik qaýiptiń «sary» deńgeıi engizilip, álemge belgili tájirıbege sáıkes ýákiletti memlekettik organdar elge keletin sheteldik delegatsııalardyń, olardyń ishinde memleket basshylary men halyqaralyq uıymdar basshylarynyń qaýipsizdigin joǵary deńgeıde qamtamasyz etýge tolyqqandy sharalar qabyldady.